PIA Press Release
Sunday, January 15, 2012 Cebuano news: Misamis Occidental mogahin na usab sa laing P3M alang sa calamity fund sa Tangub cityby Pat Nano OROQUIETA, Misamis Occidental, Jan. 15 (PIA) -- Human sa nadawat sa Tangub City ang tres milyones pesos nga calamity fund gikan sa kagamhanang probinsyal, posible nga madawat na usab ang laing tres milyones sa mao gihapon nga syudad. Kini human gipasalig ni Governor Hermie Ramiro nga mopagawas na usab siya og laing kantidad gikan sa 20% calamity fund atol sa ‘culmination’ ug ‘awarding ceremony’ sa Christmas Symbols Festival. Matud pa sa gobernadora nga iyang gitagaan pagtagad ang Tangub City sa calamity fund, bunga sa nahitabong pagbaha niadtong Disyembre 8 ang pipila ka mga barangay, labina sa sentrong bahin sa syudad. Gidasig usab sa gobernadora ang kagamhanang lokal sa Tangub City nga mokooperar sa mas gihingusgan pang programa sa probinsya niining tuiga nga mao ang pag-atiman ug pagpanalipod sa kinaiyahan aron makalikay ang probinsya sa posibleng mga natural nga kalamidad. (PIO/PIA-10) | 
