PIA Press Release
Sunday, January 15, 2012 Waray News: Palasyo saad an agresibo nga programa ha paggastosMANILA, Enero 15, (PIA) -- Iginsasaad han administrasyon Aquino nga magigin agresibo ine ha pagpapagawas han pondo han goberno samtang titinguhaon nga mapara an mga nakakarag nga kasurok-an han goberno tungod han mga tuyaw nga mga opisyal, sumala ine han taga-pagpa-maba han Palasyo han Malacanang hadin nakalabay nga adlaw. Dida han regular nga press briefing ha Malacanang niyan han nakalabay nga adlaw, kan Presidential Spokesman Edwin Lacierda binaton in pagsuson hin pira nga sector, guti daw an nagastos han administrayon han tuig 2011, sumala nga nakapatik dida han kanan 2012 Index of Economic Freedom nga iginpublikar han The Wall Street Journal ug The Heritage Foundation, nga usa han kanan Washington numero uno nga “think tank”. Ginsusnan daw gud daman an goberno tungod han habubo nga grado parti ha “trade freedom”. Kasumpay han kanan nasud “trade freedom performance”, nagsering daw hi Lacierda nga andaw an goberno Aquino nga tatagan hin maupay nga rason an panhahatag hin “tax holidays” ha mga kampanya nga hahani ha Pilipinas. Sumala daw han kanan yana tuig Index of “Economic Freedom”, nakakuha daw an Pilipinas hin marka nga, 57.1 nga nagbubutang daw han nasud nga ika -107th han mga gililibrehi sumala han 2012 Index. Ine daw nga marka in 0.9 ka pontos nga mas hataas, nga mayda daw maupay nga iginbag-o ha “business freedom”.(PIA-Eastern Samar/Trans:anicart) |
