PIA Press Release
Monday, January 16, 2012 Aklanon News: Bag-o nga tourism slogan gindayaw it internasyonal nga mga travel expertsni Sheila Q. Patoza MANILA, Enero 16 (PIA) -- Ro bag-o nga tourism slogan nga “It’s more fun in the Philippines”, hay gindayaw sa isaea ka ASEAN Tourism Forum (ATF) sa Manado, Indonesia kunduraya eang. Suno kay Tourism Secretary Ramon Jimenez Jr., ro ATF 2012 hay perpekto nga plataporma para ipakilaea ro kampanya sa may 1,600 nga mga internasyonal nga mga delegado it mga minugbakae ang minugbaligya, NTO (National Tourism Organization) ag mga medya. Ro kampanya hay ginbukas sa isaea ka pagpanyapon nga gin-organisar it Pilipinas sa Sultanraja Hotel sa Manado sang Enero 13, may isaea ka Domingo ro nagkataliwan pagkatapos ginlunsar it Department of Tourism paagi sa social networking sites sa Pilipinas. Ro kampanya, hambae ni Jimenez sa mga delegado it ATF, nagahighlight sa ginapangibabawan it nasyon kontra sa iban nga mga turismo nga destinasyon – ro mga Pilipino. “Amon nga estrahiya hay simple: samtang ro iba nga mga nasyon nagaimbitar sa mga ano ang imo maiobserbar, ro mga Pilipino nagapromisa it mas mainit nga pagbaton ag mas interesado nga eksperyensya. Kung siin ka man mag-agto, ano man ing himuon sa nasyon, ro mga Pilipino ro magakumpleto sa imo nga bakasyon ag makahimo nga hara hay indi mo malipatan,” eksplikar ni Jimenez. Kilaea ro mga Pilipino sa bilog nga kalibutan bilang isaea ka masadyahon ag mainit ro pagbaton sa mga bisita. Suno kay Jimenez, ro gobyerno nagahandum nga ro bilog nga nasyon hay magbuliganay nga makahimo it positibo nga paghinambaeon parte sa makaingganyo nga tagline. Samtang, ro “#1FORFUN” nga lokal nga slogan nagahandum nga magkaisa ro Pilipino nga mapakusog ag nasustunir ro ginadayaw nga pag-ugali nga masinadyahon ag mangin isaea ka permanente nga reminder para masigurado ro eksperyensya it mga tawo sa nasyon hay positibo, ag mangin masadya,” dugang ni Jimenez. (JSC/SQP-PIA6) | 
