PIA Press Release
Tuesday, January 17, 2012 Cebuano News: Mokabat P.5 million ka mga tambal gidonar sa PAGCOR ngadto ‘Sendong survivors’ sa Iliganby Melvin T. AnggotILIGAN CITY, Lanao del Norte, Jan. 17 -- Nadawat sa buhatan ni Mayor Lawrence Lluch Cruz bag-ohay ang duolan tunga sa milyon ka pesos nga balor sa mga tambal ug vitamina gikan sa Philippine Amusement and Gaming Corporation kon PAGCOR. Nagsilbi kini nga tabang sa maong ahensiya alang sa mga Sendong ‘survivors’ nga nagpabilin pa sa mga ‘evacuation center’ ug ‘temporary shelter’ sa kapin usa ka libo pa ka mga nakaluwas sa bagyo ug lakip na kadtong nahibalik na sa ilang panimalay apan nagkinahanglan og mga medisina. Naglangkob sa maong mga donasyon ang mga tambal alang sa sip-on, ubo ug hilanat ingon man mga antibiotics ug mga vitamina. Samtang, giisip kini sa dakbyan nga dakong tabang alang niadtong nanginahanglan sa mga gitunol nga tambal. (CIO/PIA-10) | 
