PIA Press Release
Tuesday, January 17, 2012 Cebuano News: Henares magkorek sa 106 ka tuig nga dili maayong trabaho sa BIR TACLOBAN CITY, Leyte, Jan 17 (PIA) –- Ang Commissioner sa Bureau of Internal Revenue kon BIR Kim S. Jacinto Henares gikatakdang mobisita sa Revenue Region 8 o Eastern Visayas sa Enero 18 diin siya magpahibalo sa mga plano sa BIR lakip na ang 106 ka tuig nga dili maayong trabaho sa opisina. Si BIR regional director Diosdado Mendoza nagkanayon nga atul sa iyang pagbisita, si Commissioner Henares motambong sa blessing ug inagurasyon sa bag-ong nakompleto nga BIR records ug Multi-purpose Center Building. Ang BIR Commissioner gilauman nga magpadayag sa iyang mga plano ug stratehiya alang sa Tax Year 2012 sa BIR ug sa umaabot, samtang siya mosubay sa mandato sa BIR diha sa pagpausbaw sa government revenues alang sa kalambuan sa nasud. Pag-ila sa aktibong parte sa media diha sa pagpahibalo sa impormasyon sa mga programa sa BIR ug mga inisyatibo, si Henares makig-estorya usab sa local media sa usa ka press conference. Ang BIR Commissioner adunay dili masayon nga trabahoon nga iyang gisangon – gusto niyang eksaktohon ang 106 ka tuig nga wala mamaong trabaho sa Bureau. Kahibalo siya sa iyang gisulti tungod kay sa iyang pagtrabaho sa revenue service gikan sa Agosto 2003 ngadto sa Nobyembre 2005. Atul sa maong panahon, naghupot siya sa posisyon isip Deputy Commissioner of the Special Concerns Group ug officer-in-charge sa Large Taxpayers Service. Siya nahuman sa iyang Bachelor of Science in Commerce nga may accounting degree sa De La Salle University ug nakapasar isip Certified Public Accountant o CPA sa tuig 1981. Usa usab siya ka abogado, nga migraduwar isip Second Honor Medal gikan sa Ateneo de Manila University. Ang iyang edukasyon naglakip usab sa Master of Laws degree major in International and Comparative Law gikan sa Georgetown University sa Washington DC. Sa wala pa sa BIR, si Henares nagtrabaho isip tax lawyer sa SGV & Co., ug kauban sa Yap Jacinto Jacob Law Office, vice-president sa corporate ug legal affairs sa ING Bank, governor sa Board of Investments ug Senior Private Sector Development Specialist alang sa World Bank Group. (Translated by RGC/PIA-South Leyte) ------------------------------------------------------------------------- | 
