PIA Press Release
Tuesday, January 17, 2012

Waray News: Asian summit ginhihingita han Pilipinas ha pagtratar han ginkakalantogi-an nga mga isla

MANILA , Enero 16 (PIA) –- Gin-aghat han Pilipinas an Association of Southeast Asian Nations (ASEAN) nga magdumara hin summit para han Tsina nga hin lima pa nga mga kaapi han ASEAN nga maypag-angkon han Spratly Islands agud maresolbar an maiha na nga lantogi bahin hiton mga teritoryo ha South China Sea .

Segun kan Foreign Secretary Albert del Rosario, ginhangyo niya ngada han iya mga katugbang ha ASEAN han nadidto hiya ha Combodia ha diri pa la maiha nga suportaran an panawagan han Pilipinas ha 10-member bloc nga mag-organisar hin mao nga dayalogo ha gilayon nga panahon.

Nagsering hi Del Rosario nga andam an Pilipinas managbalay hini nga katitirok.

Diri pabor an Tsina hiton ano man nga resolusyon nga panginginlabotan hin damo nga mga nasud. Lugod, karuyag hini nga makignegosasyon hin direkta ngada han kada claimant.

Ginkakabarak-an hin pira nga an gin-aagawan nga mga teritoryo ha South China Sea en pagtitikangan hin araway.

Nagharampang na ha Beijing ha diri pa la maiha en Chinese ngan ASEAN diplomats agud paghirisgotan an posible nga joint project agud magkaada hin pagtapod ha usa kag usa an mga nasud nga nag-aangkon han mao nga mga teritoryo. (Ginbinisaya ni DUM/PIA-Eastern Samar )