PIA Press Release
Tuesday, January 17, 2012

Waray News: Mga insidente hin panngagaw hin tuna dida hin usa nga Expressway project, sususihon han Pangulo

CONCEPCION, Tarlac, Enero 17 (PIA) –- Nagsaad kakulop hi Pangulo Benigno S. Aquino nga sususihon niya an kamatuoran dida hiton gin-aaligar nga mga insidente hin panngangagaw hin tuna han mga parag-uma ngan iba pa nga mga tag-iya hin tuna nga naapektaran han konstruksyon han Tarlac-Pangasinan-La Union Expressway project.

Dida hin pamakiana ha iya kataliwan han inagurasyon han planta han D’Luxe Bags Philippines dida hini nga lugar, nagsering an Pangulo nga gilayon hiya nga makikigharampang ngada han Departament of Agrarian Reform (DAR), Department of Public Works and Highways (DPWH) ngan sugad man han Department of Justice (DOJ) agud mando-an ini hira nga imbestigaran an mao nga isyu.

“…may meeting ako sa DAR at nakausap ko na rin ang DPWH at iba pang mga sangay ng pamahalaan para bigyan ako ng report at nang mapa-imbestigahan natin ang alegasyon na ‘yan,” sering han Pangulo.

“Ang dulo po nito siguro, ang maipapangako ko, na may conclusion ‘yung imbestigasyon; may sasabihing: mayroon bang nagkamali rito? Sino ang nagkamali? Sino ba ang may ginawang mali ? Kailangan mabigyan natin siguro ng kaukulang deadline,” sering pa han Pangulo.

Naglalaom an Pangulo nga kataliwan hiton iya miting ngada han DAR, DPWH ngan DOJ, matatagan hiya hin ideya kon ngada san-o matatapos an mao nga imbestigasyon.

An Tarlac-Pangasinan-La Union Expressway nga mayda kahilab-on nga 88.15 kilometros en usa nga build-operate-transfer (BOT) nga proyekto nga igin-kontrata ha Private Infrastructure Development Corporation (PIDC) pinaagi hin bidding.

Kon makompleto na an mao nga proyekto, aagi-an hini an mga bungto han Victoria , Gerona , Paniqui, Moncada ngan San Manuel ha Tarlac; Carmen, Urdaneta, Binalonan, Pozzorubio ngan Sison ha Pangasina; ngan Rosario ha La Union. (Ginbinisaya ni DUM/PIA-Eastern Samar )