PIA Press Release
Tuesday, January 17, 2012 Hiligaynon News: Region 6 nagpangaduha sa job placement sang 2011ni Lilibeth A. French SYUDAD SANG ILOILO, Enero 17 (PIA6) -- Ang Rehiyon 6 ukon Kabisayaan Nakatungdan ang nagpangaduha sa mga rehiyon nga may pinakamataas nga job placements sang nagligad nga tuig nga nakarehistro sang 173, 782 sandig sa report sang Bureau of Local Employment nga ginsumiter kay Tiglikom Rosalinda Dimapilis-Baldoz sang Department of Labor and Employment. Ang report sang BLE sa hinimuan sang mga Public Employment Service Offices sang nagligad nga tuig nagpakita nga ang Rehiyon 6 nagasunod sa Rehiyon IV-A nga nakabalhag sang pinakamataas nga placement nga 191,856. Ginasundan ang Rehiyon 6 sang Rehiyon III nga may 129,949; NCR nga may 122,300; Rehiyon 12, 72,246; CARAGA, 68,241; Rehiyon 11, 59,606; Rehiyon VII, 57,548; CAR, 53,362; Rehiyon IV-B, 40,698; Rehiyon X, 40,252; Rehiyon I, 35,496; Rehiyon V, 22,246; Rehiyon 8, 18,634; Rehiyon 2, 12,348; kag Rehiyon 9, 10,344. Sa iya report, ginsiling sang BLE nga ang mga rehiyunal nga talatapan sang DOLE ang nagpabutyag sang mataas nga job placements sang PESO sa bilog nga 2011 nga nagpahamtang sang 1,108, 908 ka mga manugpangita sang trabaho sa tanan nga sahi sang obra sa pungsod humalin Enero tubtub Disyembre 2011. Ang report nagpakita man nga ang numero sang PESO-placed jobseekers nagabug-os sang 76 porsyento sang mayoriya nga 1,456,926 jobseekers nga ginrefer para sa job placement sang isa ka tuig. Suno kay Baldoz sa DOLE report nga ang 1,108,908 jobseekers nga napahamtang sang nagligad nga tuig nagatiglawas sang 20.3 porsyento nga pagtaas, ukon 225,595 dugang nga job placements, ipaanggid sa 883,313 jobseekers nga napahamtang sang PESO network sang 2010. Sa kabilugan nga numero sang mga trabahante nga napahamtang, kapin sa two-thirds sini ukon 62.05 porsyento ukon 688,147 ang nakakita sang trabaho sa pribado nga sektor kag ang 37.94 porsyento ukon 420,761 sa sektor sang gobyerno. Suno pa kay Baldoz ang mataas nga placement rate nga nalab-ot sang nagligad nga tuig nagapakita sang mataas nga level sang pagsalig sang mga amo nagikan sa pribado nga sektor kag gobyerno nga ginahatag sa mga PESO. Para sa 2012, gindugang ni Baldoz tinutuyo sang DOLE nga ang PESO network makafacilitate sang pagpahamtang sang 1.2 milyon ka mga jobseekers pinaagi sa paghatag sang combination of employment facilitation services nga nagahatag pagtamod sa pagpanubo sang kaimolon kag empowerment sang mga imol kag pinaagi sa mahinalungon nga paggamit sang PESO badyet nga nagalab-ot gid lamang sa P20.009 milyon sini nga tuig. Kasubong sang nagligad nga tuig, pagabaskugon sang DOLE ang adbokasiya sini para sa institusyunalisasyon sang PESOs sa mga lokal nga panguluhan kag kolehiyo kag unibersidad agud himuon sila nga epektibo nga community-based job facilitation institutions. Ginkumendar naman ni Baldoz ang 1,069 ka mga gin-organisar nga PESO sa tanan nga 16 ka rehiyon sang pungsod sa ila pagbulig sa pagpasanyog sang employment performance sang ekonomiya sang 2011. (JSC/LAF-PIA6 Iloilo) |
