PIA Press Release
Tuesday, January 17, 2012 Hiligaynon News: DTI may mga tikang agud pasanyugon ang exports kag mga puhunanMANILA, Enero 17 (PIA) -- Ang Department of Trade and Industry (DTI) ang nagahimo sang mga tikang ukon plano agud mapasanyog ang mga exports sang Pilipinas kag maganyat ang dugang nga mga puhunan pasulod sa pungsod subong nga tuig 2012. Ang ini nga mga tikang nga nagasuporta sa programa sang gobyerno pang-ekonomiya ang nagalakip sang pagbuhi liwat sang PhilTrade bilang isa ka permanente nga duog kon sa diin ang mga exporters ang makapakita sang ila “world-class” nga mga produkto. . May kaangtanan diri, ginsiling sang nasyonal nga talatapan san g DTI nga magapakig-angut sila sa mga tag-iya sang ginhamtangan sang PhilTrade nga amo ang Social Security System (SSS) kag Philippine National Bank (PNB) tuhoy sa ila katuyuan sa pagpadalagan liwat sang nasambit nga exhibition center para sa mga produkto katulad sang garments, housewares, muebles, kag iban pa. Ang DTI ang nagaplano man nga itukuron liwat ang Foreign Trade Service Corps (FTSC), nga amo ang ila trade and investments promotion arm” sa luas sang pungso, kon sa diin ang FTSC ang magatutok sa particular nga mga merkado santo sa geographical locations katulad sang Uropa, North America, India-Pakistan-Sri Lanke-Nepal, kag iban pa. Sa idalum sang sini nga proyekto, ang kada merkado ang pagapang-alagaran sang hubon sang mga eksperto sa patag sang export, importasyon, investments, commercial intelligence, kag data gathering. Ang ini nga lihok sang DTI ang natalanan nhga magasugod karon nga bulan. Ang ahensya ang sa karon nagatukod man sang mga Shared Services Facilities sa nanuhaytuhay nga mga rehiyon sang pungsod, kon sa diin ang katungdanan sini nila amo ang pagbulig sa magagmay nga mga negosyo sa pag-package kag pagbaligya sang ila mga produkto sa pangkalibutanon nga mga merkado. Ginahikot man sang DTI ang pagduso sang programa ni Pangulong Aquino sa pagganyat sang mga negosyante labi na ang mga dumuluong sa pagpahamtang sang ila mga puhunan sa pungsod. Luas diri, plano man sang ahensya nga pabangunon ang naghina nga industriya sa garments nga isa anay sa mga n agapanguna nga export sang pungsod. (JCM/JSC/PIA6) | 
