PIA Press Release
Tuesday, January 17, 2012 Cebuano News: Aquino nagsugo sa mga ahensya nga magpatuman sa balaod pagtabang sa 2nd district sa Zamboanga sa espesyal nga eleksyon MANILA, Jan. 17 (PIA) –- Ang Presidente Benigno Aquino III nagsugo sa mga ahensya nga magpatuman sa balaod ug katukuran sa gobyerno, apil ang Armed Forces of the Philippines (AFP) ug ang Philippine National Police (PNP), sa pagtabang sa Commission on Elections (COMELEC) pagpasiguro sa kagawasan, kahusayan, katarong, malinawon ug katoohan sa pagkondukto sa Pebrero 4, 2012 sa espesyal nga eleksyon sa 2nd district sa Zambales sunud sa kamatayon ni 2nd District Representative Antonio Magsaysay Diaz sa miaging tuig. Tungud sa Memorandum Order No. 29 nga gipirmahan sa Executive Order Paquito N. Ochoa Jr. sa Enero 9, 2012, ang Presidente Aquino miuyon sa COMELEC Resolution No. 9312. Ang konseho sa eleksyon, pinaagi sa Resolution No. 9312 (s.2011), nagbuut paghangyo sa pag’uyon sa Presidente sa pagsugo sa mga ahensya nga magpatuman sa balaod ug uban nga katukuran sa gobyerno sumpay sa Pebrero 4, 2012 nga espesyal nga eleksyon sa Zambales. Ang Punoan nga Ehekutibo, usab, nagmando sa mga ahensya nga magpatuman sa balaod ug uban nga may kalabutan nga ahensya pagpahiluna ug pagtabang sa COMELEC sa pagbuhat sa ilang katungdanan ug kalihukan. Ang MO ipatuman dayon. Ang COMELEC nakatalaan nga maghimo sa espesyal eleksyon sa Pebrero 4, 2012 pagpuno sa bakante nga posesyon ni 2nd District Representative Diaz nga namatay sa Agosto 3, 2011. Ang mipanaw nga kongresista umangkon ni kanhi Presidente Ramon Magsaysay. Ang konseho sa eleksyon nagpahibalo nga ang pagpatuman sa gun ban sa Olongapo City ug sa uban nga 13 lungsod sa Zambales sa pagsugod sa espesyal nga eleksyon sa ikaduha nga distrito sa probinsya. Ang latid sa COMELEC nagingon nga bisan kinsa nga pribado nga tawo, ang naa sa katungdanan o nag mga kandidato politikal dili tugutan nga magdala ug armas o magkuha ug armado nga tawo sa panahon sa congressional eleksyon. Ang panahon sa kampanya nakatalaan sa Enero 19 ngadto sa Pebrero 2 karong tuiga. (Translated by Teresita B. Cardenas/PIA 8-Northern Samar) | 
