PIA Press Release
Tuesday, January 17, 2012 Cebuano News: 90.5% sa budget sa mga govt departments ipagawas niining buwan sa Enero MANILA, Jan 17 -– Ang result-focused budget sa Aquino administration makahimo sa Department of Budget and Management (DBM) sa pag release ug 90.5 ka porsyento sa P868.9 ka bilyon nga budget niining tuiga alang sa government departments sulod sa unang duha ka semana sa Enero. Ug ingon man, ang 47.3 ka porsyento o ang P858.8 ka bilyon sa niining tuig nga P1.816-trillon nga General Approriations Act (GAA) na-release na sa unang duha ka semana niining buwan sa Enero, matod pa ni Budget and Management Secretary Florencio Abad. Si Abad nag ingon nga ang dinagko’ng pag release pag sugod sa tuig 2012 “mao’y timailhan sa saad sa Aquino administration sa ontop nga implementasyon sa mga programa ug mga proyekto, samtang ipaseguro usab ang transparency ug accountability sa pag gamit sa pundo sa publiko.” “Nakahimo kami sa pagpagawas sa dagkong level sa pundo tungod sa sayo nga pag pasa sa 2012 national budget, ug ingon man sa limitado nga ihap sa gi-tugot nga lump-sum fund ug ang pag bahin-bahin sa ubang mga lump sums. Ang department-focused nga releases nahimo ubos sa Agency Budget Matrix, ug ang pundo mismo nga mahaom sa mga mahinungdanong items sa 2012 GAA alang sa nagkalain-laing mga programa, kalihukan ug mga proyekto,” matod pa sa iyang report ngadto kang Presidente Benigno S. Aquino III. (Translated by Flor Jackson/PIA 8 Biliran) | 
