PIA Press Release
Tuesday, January 17, 2012 Pangasinan news: Mansipilyo mamiduad sanagew, makabawas na problemad ngipenNen Venus H. SarmientoSIYUDAD NA DAGUPAN, 17 Enero –- Say pansipilyoy ngipen mamiduad sanagew et makabawas na problemad ngipen na saray totoo laot lad saray kalangweran. Saya so impatalus nen Greta Henning, sakey ed saray sakey dosenan dentista ed Canada ya limmadiad Dagupan pian manggaway taloy agew ya dental mission diman ed University of Luzon. Say pansipilyo no kabuasan tan no labi antis ya onogip ya manusar na fluoride toothpaste et sakey ya paraan ya makabawas na pandakel na bacteria tan say tatawagen ya cavity ed ngipen. No gaween labat ya na amin ya totoo, ondaiset so trabaho na saray dentista dia, kuanen Henning. Sakey ya kabiangan na programa na grupo dan Kindness in Action (KIA) so manbangat ed saray ogogaw na dugan panagsipilyo. Say grupon KIA et sakey ya boluntaryon grupo ya onliliber ed intiron mundo pian manggaway dental mission. (PIA-Pangasinan) | 
