PIA Press Release
Wednesday, January 18, 2012 Cebuano News: Binay buot nga ang tanang langyaw nga OFW mapangutanaby Gideon C. Corgue PAGADIAN CITY, Zamboanga del Sur, Jan. 18 (PIA) -- Si Bise Presidente Jejomar Binay mimando nga ang tanang overseas Filipino workers (OFWs) dili igsapayan sa gigikanan niiini ang karon mapangutana sa ilang paghiuli sa nasud. Si Binay, ang Presidential Adviser on OFW Concerns ug concurrent Chairman Emeritus sa Inter-Agency Council Against Trafficking (IACAT), mimando sa mapiliton nga pagpangutana human nga nadiskubrehan sa IACAT ang gituhuan nga menor de edad nga nahidangat gikan sa Syria. "Ang atong OVP (Office of the Vice President) staff naka-alinggat nga usa ka babaye nga trabahante ang gisuspetsahan nga bata kaayo kay sa iyang gideklarar nga edad. Ang pasaporte nga iyang gipakita nga siya naa sa pangidaron nga 30, apan dihang siya ang gisukitsukit siya miangkon nga ang pasaporte nga iyang gigamit dili iyaha,” si Binay nagkanayon sa iyang pamahayag. Ang IACAT magpahigayon ug regular interview sa mga milangyaw nga Pilipino sanglit kini nagmugna sa iyang kaugalingong database sa mga Pinoy kinsa gipalangyaw sa gawas sa nasod. Matud pa ni Binay nga ang maong paagi makatugot kanila sa pag-ila sa mga recruitment agencies, opisyal sa kagamhanan ug mga kawani kinsa ang possible nga nahilambigit sa human trafficking. "Kini usab ang makatabang pagtukod sa posible nga paagi sa pagpadala nga gihimo sa mga illegal recruiters ug trafficking syndicates, pagpakunhod pagbiktima pag-usab sa mga Pilipino irregular OFWs, ug pagkunhod sa bili sa pagpadala kanila sa laing nasud," matud pa niya. Sa nakalabay nga Enero 13, adunay 73 nga mga milangyaw gikan sa Syria kinsa ang nahidangat sa nasud, apan walo lamang niini ang mga regular nga mga trabahante. Nadiskubrehan nga kasagaran sa mga babaye ang adunay gipang-usob nga mga pasaporte. Napulo ka mga babaye ang miangkon nga sila ang mihimo sa maong buhat. "Atol sa pagpangutana, amo usab nga nahibaloan nga 73 ka mga babaye ang wala nakadawat sa ilang aktwal nga suhulan nga gisaad ngadto kanila. Bisan pa ang walo ka mga regular ug dokumentado nga OFWs wala makadawat sa gikauyunan nga suhulan. 60 kanila ang nasulay sa dili maayo nga pagtratar sa pagtrabaho. Sila ang mga biktima sa abuso nga sexual, , physical ug verbal dili lamang sa ilang mga kawani apan sa mga kawani usab sa ahensya nga nakabase sa Syria," matud pa ni Binay. Ang IACAT nagsugod pagpapatuman sa mga bag-o nga kalagdaan ug reglamento sa pagpadala sa pasaherong Pilipino sa tanang mga tugpahanan ug dunggoanan. (ALT/GCC/PIA/ZamboSur) | 
