PIA Press Release
Wednesday, January 18, 2012 Cebuano news: Series of meetings sa mga local chief executives sa Agusan del Norte gilusadni Roselyn G. ExaureBUTUAN CITY, Enero 18 (PIA) -- Gilusad ang sunud-sunod nga panagtigum sa mga Local Chief Executives (LCEs) sa lalawigan sa Agusan del Norte nga gipangunahan ni Gov. Erlpe John M. Amante, aron hisgutan ang hiniusang pagpangandam sa kalamidad. Gibutyag ni Agusan del Norte Gov. Erlpe John M. Amante nga kinahanglan nga magkatakdo ang tanang paningkamot ug pagpangandam sa matag local government units sa lalawigan lakip na ang dakbayan sa Butuan aron matubag ang mga nag-unang panginahanglanon panahon sa kalamidad. Alayon niini duna nay ilang nakab-ot nga master plan sa tibook lalawigan ug dakbayan sa Butuan. “…I would like to assure the people, di man ta mag-ampo nga mahitabo na diri sa ato (we’re not praying that this will happen to us), but I would like to assure our people that if ever nga mahitabo na, I think we are much better prepared now,” ang pamahayag ni Gov. Erlpe John M. Amante. (PGO Agusan del Norte-PIO/PIA-Agusan del Norte) | 
