PIA Press Release
Wednesday, January 18, 2012 Cebuano News: 200 ka libre nga patent nga residensyal nga titulo sa Maasin City gi-aprobahanby ES Gorne MAASIN CITY, Southern Leyte, Jan 18 (PIA8) -- Ang Community Environment and Natural Resources (CENRO) sa Maasin City nakapasa og 40 porsiento sa gitumong nga 500 ka mga patents nga titulo sa milabay nga tuig ngadto sa Register of Deeds sa probinsya ubos sa Free Patent Titling alang sa mga residensyal nga mga lote. Sumala kang Land Management Division OIC Ma. Billy Tolibas, ang Department of Environment and Natural Resources (DENR) - Community Environment and Natural Resources Office (CENRO) – Maasin City naka-aprobar nga og 200 ka mga titulo sa yuta ubos sa gikatahu nga programa. Tolibas mipahayag nga ang libre nga patent alang sa pagtitulo sa mga residensyal nga mga lote ingon nga usa ka administratibo nga pagtitulo nga gipahigayon sa gobierno alang sa tanan nga mga mi-agi sa kadastral nga mga lote ubos sa cadastral nga survey sa nasyonal nga gobierno kaniadtong 1975. Sa milabay nga duha sa tuig, ang nasyonal nga pangagamahanan nagtanyag og libre nga patent nga pagtitulo alang sa residensyal nga mga lote diin kini pwede lamang nga ma-aplikar ngadto lamang sa cadastrated nga survey nga lote, matud niya. Matud niya, ang program una mag-atiman ngadto sa tibook nga lote nga gi-survey ubos sa cadastral nga programa, diin, ang kabahin nga mga lote nga napalit gikan sa tibook nga lote dili pwede nga ma-aplikar. Hinoon, sa panahon nga ang tibook nga lote naka- titulo, nan ang pagbalhin sa residensyal nga lote mahimo nga mabalhin sa madali nga panahon. Dugang niyang pahayag nga ang balayranan sa pag-aplikar nga P50 alang sa free patent sa mga residensyal nga mga lote pipila lamang sa mga minimal nga gikinahanglan nga gikatakda sa nasudnon nga gobierno aron sa pagpahigayon sa pagtitulo sa residensyal nga mga lote ubos sa gihinganlan nga programa. Dugang niyang pahayag nga gawas sa administratibo nga pagtitulo nga gipahigayon sa gobierno, adunay judicial nga pagtitulo ingon nga laing paagi diin kini mas mahal tungod kay ang pagtitulo mopasa pinaagi sa judicial nga proseso. ### (PIA SoLeyte/esg) | 
