PIA Press Release
Wednesday, January 18, 2012 Cebuano News: SoLeyte nagpaluyo og salapianong tabang ngadto sa 777 ka problemadong katawhanby ES Gorne MAASIN CITY, Southern Leyte, Jan 18 (PIA8) -- Mokabat og 777 ka mga problemado nga katawhan nga naka-benepisyo sa Assistance for Individuals in Crisis Situation (AICS) sa local nga pangagamhanan sa Southern Leyte, usa ka regular social services nga programa nga gidesinyo aron sa paghatag og paghupay sa nanginahanglan nga mga katawhan og sa ilang mga pamilya ilabina sa panahon sa krisis nga situwasyon. Kauban sa Priority Development Assistance Fund (PDAF) sa Southern Leyte Congressional District pinaagi sa mga inisyatibo ni Congressman Roger Mercado og sa PAGCOR, ang tabang alang sa mga katawhan sa krisis nga mga kahimtang mikabat og P1.294 milyon, matud ni Provincial Social Welfare and Development Office (PSWDO) Social Welfare Assistant Amelia Malazarte ngadto sa PIA. Si Malazarte mipahayag nga ang probinsyal nga pangagamahan nag-gahin sa kantidad nga P 956,800 alang sa AICS samtang ang PDAF mikabat ngadto sa P 290,500 og P 47,300 gikan sa PAGCOR diin kini gigamit alang sa iyang sosyal nga serbisyo sa milabay nga tuig. Siya midugang nga ang gikatahu nga tabang nga pinansyal nga kuwarta gitumong alang sa pagpamalit alang sa medisina, tabang sa paglubong, tabang sa edukasyon, tabang sa pang-transportasyon, emerhensiya nga pagkaon, ekaminasyon sa laboratoryo, CT scan, confirmatory test, mga bitamina, eksaminasyon alang sa kasingkasing, og uban pang mga panginahanglan. Ang tabang sa pinansyal gipagawas sumala gikan sa nagkadaiyang panginahanglan gikan sa P 500 hangtud sa P 2,000 gikan sa AICS, hinoon, ang P500 hangtud sa P5,000 sa nagkadaiya nga tabang usab ang makuha nga benepisyo gikan sa PDAF and PAGCOR, dugang niyang tahu. Sa laing bahin, lain nga relief augmentation sa kantidad nga P 720,000 ang gipagawas sa labing menus 1,000 ka mga pamilya diha sa mga mga lungsod sa Hinundayan, Sogod, St. Bernard og Bontoc atol sa pagbakwit diha sa sayo nga mga bulan sa 2011 tungod sa pagbaha. Nga ang tabang gipanghatag diha sa porma sa bugas, de lata nga pagka-on og mineral nga mga tubig ngadto sa apektado nga mga pamilya nga gikatahu, dugang niyang pahayag.### (ESG/PIA SoLeyte) |
