PIA Press Release
Wednesday, January 18, 2012 Cebuano News: Aquino nagmando sa DOJ nga estudyohan ang wala’y hinungdan nga sumbong nga gisang’at sa dili takus nga magpupuhal kontra kang Robredo MANILA, Jan. 18 (PIA) -- Ang Presidente Benigno Aquino nagmando sa Department of Justice (DOJ) nga estudyohan ang wala’y hinungdan nga sumbong nga gisang’at sa dili takus nga magpupuhal kontra kang Interior and Local Government Secretary Jess Robredo kahuman mapakyas pagselyo ug mapatigayon sa gobyerno sa rebidding nga gihimo sa iyang opisina sa pagtag’iya ug mga bag’o nga fire trucks pagdugang sa mga kinahanglanon nga serbisyo publiko sa nasod. Sa iyang pagpakigpulong sa inagurasyon sa D’Luxe Bags Philippines, Inc. sa Concepcion, Tarlac sa Lunes, ang Presidente Aquino nagpahayag nga ang rebidding nahimo sa mando ni Robredo, pagtuman lamang ug pagpasiguro nga ang pundo sa gobyerno maalam nga gastohon , sa pagpanalimbasog nga doblehon ang ihap sa fire trucks sa nasod. Ang Presidente Aquino nagpasabut nga ang kataposan nga bidding sa bag’o nga mga fire trucks nahimo tulo ka tuig na nga naglabay una pa sa iyang administrasyon ug ang presyo kaniadto nga P9 million matag usa. Ang gobyerno nakapahiluna pagpalit sa lima ka milyon matag usa kahuman sa rebidding sa 2011. Tungud niini, sa anaa nga badyet, madoble nato ang atong mapanag’iya. Sa akong pakaingon ang tanan mouyon, nga nakahimo ug sama nga buhat, ug si Secretary Robredo angayan hatagan ug palakpakan, diba? ang Presidente nagingon. Bisan pa, ang Presidente Aquino nagingon nga hinoon ang labaw sa DILG gikiha ug wala’y kamatuoran nga sumbong ug daotang buhat, ug kini nga nahitabo magtudlo ug kahimtang nga ang tawo mangahas ug magsugod pagkiha nga ang usa nga naghimo ug katarong naglaraw pangdaot ug paglimbong sa nasod ug sa katawhan. Sa ingon, ang angayan nga tubag sa ila- ug gimandoan nako ang DOJ nga estudyohan ang maong butang, kung ang kaso napahiluna, aron makiha namo kini nga mga tawo nga naanad pagkarag sa panahon sa gobyerno pagabiabi ug walay hinungdan nga sumbong,” ang Presidente nagingon. (Translated by Teresita B. Cardenas/PIA 8-Northern Samar) | 
