PIA Press Release
Friday, January 20, 2012 Cebuano News: Aquino nag imbitar sa mga Thailand investors nga mo-apil sa PPP programMANILA, Jan 20 -- Si Presidente Benigno S. Aquino nag imbitar sa mga Thai investors ug mga negosyante nga mag invest dinhi sa nasud Pilipinas pinaagi sa Public Prviate Partnership (PPP) program, usa nga programa sa gobyerno nga adunay tumong sa pagpakusog sa financing, construction ug operation sa mga nag unang infrastructure projects sa gobyerno. Ang Presidente nagpalusad sa iyang imbitasyon durante sa iyang Expanded Bilateral Talks kauban si Thai Prime Minister Yingluck Shinawata didto sa Malacanang karong adlawa, Huwebes. Iyang gidayeg ang ka-mahinungdanon sa private sector komo mga individual partner sa gobyerno sa hingyap sa nasud Pilipinas sa pagpausbaw sa kinabuhi sa mga Filipinos. “Ako usa’ng gikuha ang kahigayunan nga maka-imbitar sa mga Thai companies nga mag invest sa PPP program sa akong panggobyernohan. Ang private sector mao’y lig-ong kaagbay sa pag kab-ot sa atong hingyap sa pagtubo ug pag lambo,” matod pa sa Presidente. “Ang gobyerno komitido sa pag hatag ug aktibong kalibungan o environment sa pag salmot sa private sector pinaagi sa Public Private Partnerships (PPP),” matod pa niya. Si Prime Minister Shinawatra nag ingon nga ang mga Thai investors andam nga mo-labog sa iyang tim-os nga suporta sa mga negosyante ug mga investors nga mo-invest dinhi sa nasud Pilipinas. “Ang Thailand andam nga mohatag ug suporta ngadto sa mga Thai investors nga nga gustong mo-invest dinhi sa Pilipinas ubos sa Public-Private Partnership (PPP) programs,” matod pa ni Shinawatra. (Translated by FJ/PIA 8 Biliran) | 
