PIA Press Release
Thursday, January 19, 2012 Waray News: DOTC: Bag-o nga panggobernohan tikang han pagtubo han BPOManila, Jan 19 –- Gintutudlok an waray katapos nga dedikasyon ug pagtapod han mga tag-ada han Business Process Outsourcing [BPO] an daw hinungdan han pasigi nga pagtubo han industriya han BPO partikularmente ha kabatiran ug hibabroan han mga Pilipino, sumala ine han Undersecretary han Department of Transportation and Communications nga hi Rene K. Limcaoco. Pahayag ine ni Limcaoco ha ngaran ni Secretary of Transportation and Communications Mar Roxas, usa han mga tinikangan han high-technology businesses ha Pilipinas, ug tagduso han merkado han BPO, durante han hiya in magin bisita ug tagapamahayag han pag-abre han ika-5 nga opisina han NCO’s ha nasud. Sumala han report, gin-abrehan han NCO an ira ika-5 nga opisina ha Sta. Mesa, Quezon City labot han aadto na ha Clark Economic Zone, Fort Bonifacio, Marikina, ug usa pa ha syodad han Quezon. Sumala han asosasyon han 2011 report han Business Processing Association of the Philippines, an industriya han IT-BPO in aada na ha ika-2 han pinakadako nga nagkakabulig han lokal nga ekonomiya han saud, sunod han mga nahipapadara han mga OFW tikang ha ira pagtrabaho ha gawas han nasud. Daw inabot hin harani $9 bilyon an nahiamot hine nga industriya ha kanan nasud pondo, nga daw representasyon han harani 4.8 ka porsento han kanan nasud GDP. Yana daw nga tuig, target han industriya in $11 bilyon ug ha tuig 2016, ibinubutang nga makakapanta ine han nahipapadara han mga OFWs nga $25 bilyon.(Translated by AEN/PIA-8 Eastern Samar/ |
