PIA Press Release
Friday, January 20, 2012 Cebuano news:Dakbayan sa Gensan gi pondohan ang kapin P6-M nga balor sa proyektong dikeGENERAL SANTOS CITY, Jan 20 (PIA) -- Gipondohan sa lokal nga panggamhanan sa dakbayan kabag-ohay lamang ang P6,773,919 nga balor sa gihanyag nga proyektong “gabion dike” alang sa Purok Kindat, Barangay Labangal. Sumala pa sa taho gikan sa City Public Information Office (CPIO) ipatuman ang naasuy nga proyekto karong tuig 2012 human gi aprobahan sa Sangguniang Panlungsod tong niaging bulan ang plano ug detalye sa naasoy’ng proyekto. Gilauman nga ang maong proyekto makatabang ug dako sa pagprotekta sa mga lumulupyo sa lugar ug mapakunhod ang kadaot sa mga pamalay ug propedad nga mamahimong dal-on sa posibleng mga pagbaha sa syudad sama sa nadangatan sa mga taga Cagayan de Oro ug Iligan tungod sa bagyong Sendong. Samtang gibutyag sab sa CPIO nga mi-alokar pod ug badyet ang syudad alang sa pagtukod sa mga diki sa Greenville, Calumpang nga nagkantidad P6,773,919; Purok P I.3 sa Barangay Dadiangas North nga dunay balor P5,367,701; ug kantidad nga P5,367,701 alang sa Barangay Mabuhay. (PGFruylan/PIA12-Gensan) |
