PIA Press Release
Friday, January 20, 2012 Hiligaynon News: Lederes sang PHL kag Thailand nagkomitir uli sa pagpasad sang komunidad sa ASEANby Atty. Ma. Janet C. MesaManila, Enero 20 (PIA6) -- Ang Pilipinas kag Thailang nagkomitir uli sang paghimakas sang ila mga pungsod agud ma-agum ang komunidad sang ASEAN (Association of Southeast Asian Nations) sa 2015. Ang duha ka mga lederes nagsiling sini sa isa ka dungan nga press conference sa Expanded Bilateral nga pagsinapul sang opisyal nga pagbisita ni Thailand Prime Minister Yingluck Shinawatra sa Pilipinas sang Huwebes. Ang Presidente nagdamit sang pagkomitir sang pungsod nga makapasad sang komunidad sa ASEAN nga nabase sa mga prinsipyo sang kaluoy kag respeto sa kinamatarung kag kaayuhan sang ila mga tawo. Ginpahibalo man sang Presidente ang Prime Minister sa mga mayor nga adbokasiya sang pungsod nga nagasakup sang connectivity, seguridad sa kadagatan, seguridad sa pagkaon, proteksyon sang mga naga-obra sa luwas, pagpalakad sang kalamidad kag biodiversity. Ang Presidente nagsiling man nga nalipay man siya nga mahibalu-an ang mga prayoridad sang Thailand kag ang katulad nga tinutuyo sang aton mga pungsod. Si Shinawatra nagdagmit sang importansya sa pagmentinar sang masaligan kag luwas ang programa sa paghi-angot sa tunga sang mga myembro sang ASEAN agud mapaseguro nga ang pagpasad sang isa ka komunidad sa ASEAN mangin madinalag-on. Suno sa kay Shinawatra nga ang ila duha ka pungsod naga komitir uli sa komunidad sa ASEAN sa 2015 kag magaduso sang paghili-angot sang mga rehiyon. Ululupod nagapa-abot sila nga makahimo sang komunidad sa ASEAN nga ang sentro tawo kag may importante nga papel sang pangkalibutan nga nagakatabo. Ang pagtukod sang isa ka borderless nga komunidad sang ASEAN sa 2015 ginpirmahan sadtong ika -14 nga ASEAN Summit sa Hua Hin, Thailang sang 2009. Ang pagtukd sang ASEAN nga komunidad katulad sang European Union. Ang ASEAN ginabuylogan sang 10 kag mga myembro nga pungsod: Brunei Darussalam, Cambodia, Indonesia, Lao PDR, Malaysia, Myanmar, Philippines, Singapore, Thailand, kag Vietnam. (JCM/PIA6) | 
