PIA Press Release
Saturday, January 21, 2012 Maguindanaon news: Curfew hour sa ludep nu ARMM Compound -- HatamanKORONADAL CITY, Enero 21 (PIA) -- Inisugo ni Autonomous Region in MuslimMindanao (ARMM) OIC Gov. Mujiv Hataman su kapadtuman kanu curfew hours kanu ludep nu sakop a Shariff Kabunsuan Complex a kanu upama gugunay kanu istasyon nu rehiyon nu autonomous region.Tigin ni Hatama, amayka lumampas su alas-singko a malulem kanu uman a gay, su langun a lumudep sa ARMM compound na aden last-minute a transaction nin kanu mga opisina nu ARMM nisisita e makaukit kanu body inspection ataw ka kabpagimpeksyon kanu lawas endo mga gamit. Mangumbal bon silan sa routing kanu kalibet sa ludep nu compound su mga ARMM security personnel ganat kanu alas-singko nu malulem taman sa alas-kuwatro nu magan mapita nu gay, niya ba su isa a sangkad kanu kasiguro sa seguridad kanu ludep nu compound, tigin ni Hataman. Kaped kanu siya, pangumbal bon silan sa mga security stickers a para sa mga pagaden nu mga bisita mana su ID cards, isa a kaped kanu paka-uman sa pidtelu a safety measures, pidtelu ni Hataman. Su kabpapanggulalan sa curfew hours sa ludep nu ARMM compound na sabap kanu kinambato nu isa a granada kanu sangulan nu opisina nu Population Commission Region 12, a mismo sa ludep nu ARMM complex. Dala bon tudtulan a nasakitan kanu nadtelu a insidente. Kanu ulian nu tudtulan, taman saguna pagimbestigan pen nu mga otoridad su mga motibo ataw ka ngin e sabapan nu nanggugula.(HMYoshioka/PIA 12) |
