PIA Press Release
Saturday, January 21, 2012 Waray news: PNoy pinangunahan an panhatag han pagkilala nga Quality AwardMANILA, Enero 21 --Pinangunahan ni President Benigno S. Aquino III, kakulop, Biyernes, an panhatag han pagkilala tikang han Philippine Quality Award nga ginbuhat pa ha Malacanang ug ginsabi daw hine an reporma nga kinikita ha iya panggobernohan.Sering daw han Presidente, an programa in may panuyo nga makilala an mabinungahon nga pagtrabaho han katawhan, sugad man han maupay nga kahimtang han mga ahensya nga hintutungdan, ngan ine in makukuha la daw ha usa nga grupo hin mag-ka-ka-oropisina , diin nagagamit an kada tagsa nga talento tungod han pagkakaurusa han mga membros ug pagigitapod-tapod han kada tagsa. Natatabo daw ine kun an kada tagsa dida han opisina in nakilala han balor han maupay nga kalakat han opisina labi kun nagkakaurusa an mga namumuno ug nga empleyado, mga tadong an moralidad, tultol an ira mga trabaho ug mga responsabli. Sering han Presidente, hingyap daw niya in pakakarawat hin mga empleyado han goberno hin sugad nga pasidungog, kay pinaagi daw hine, maliliwat an maraot nga banhag han publiko ha mga buhatan han goberno, ngan nangangahulugan daw ine nga inaabat na an reporma nga nga ipinapatuman han goberno. .(PIA-8 Eastern Samar/Translated by anicart) |
