PIA Press Release
Monday, January 23, 2012 Amerika saad an pagpalit hin damo nga saging ha PhlMANILA, Jan 23 --Nagpatapod in mga opisyal han nasud Amerika nga dudugangan nira an ira papaliton nga saging tikang ha Pilipinas ha luyo han dire na pagpalit han Iran han saging dinhe ha Pilipinas.Pahayag daw ine ni President Benigno S. Aquino III niyan han nakalabay pala nga Biyernes. Ha interbyu ha iya ha Malacanang kakulop, nagsering an Presidente nga usa ine han ira gin-eristoryahan han mga magbabalaud tikang ha Amerika nga nagbisita ha Malacanang ha di pala maiha. Sering han Presidente, 30 porsento han mga saging tikang ha Pilipinas in pinapalit hadto han nasud Iran, kundi tungod hine nga ira desisyon, naapektaran kaupay an mga parag-uma han saging. Nakipagkita kan Pres. Aquino ha Malacanang an mga senador han Amerika nga hira Senador John McCain, Joe Lieberman, Sheldon Whitehouse ug Kelly Ayotte. Hira McCain, Lieberman ug Ayotte in ubos membro han komitiba han US Senate Armed Services. Labot han pagtaga saging, nagkatangdoay daw daman an Amerika ug Pilipinas para hin marig-on nga kooperasyon militar. (PIA-8 Eastern Samar/Translated by anicart) | 
