PIA Press Release
Tuesday, January 24, 2012 Cebuano news: Ang Malakanyang nagkanayon nga ang kagamhanang Aquino nagpatuman sa mga lakang pagpugong sa inflationby Gideon C. CorguePAGADIAN CITY, Jan. 24 (PIA) –- Ang kagamhanang Aquino nagsugod pagpatuman sa mga lakang aron pagpugong sa inflation taliwala sa kalbutanhong krisis, ang opsiyal sa Malakanyang misugilon ning Lunes. Atol sa regular nga press briefing sa palasyon, si Presidential Spokesperson Edwin Lacierda mipagula sa pamahayag human sa panagna sa Bangko Sentral ng Pilipinas (BSP) nga ang inflation ang mapugngan hangtud sa 2013. "Ang atong pagpakabana ang kanunay sa hataas nga inflation sanglit kini ang nagpasabot nga pagtaas sa mga presyo ug sa uban pang mga butang. Unsa ang nabuhat sa mga economic managers mao ang pagpugong niini gani ang Bangko Sentral miuyon nga ang inflation rate ang mapugngan," matud pa ni Lacierda. Ang pressures sa presyo sa kalibutanhong baligya ang nakita nga magpadayon aron pagpakunhod bisan pa man sa huyang ang kalibutanhong paglambo, matud pa sa mga balita. Tungod niining mga kalamboan, ang ekonomiya sa Pilipinas ang malagmit nga makatagbo sa kalisod sa 2012. Hinoon si Lacierda nagkanayon nga ang administrasyong Aquino nagpabilin nga magmalaumon nga ang panglantaw sa inflation magpabilin nga anaa sulod sa target range. "Ug kita nagtuo nga kita ang makasugakod kung unsa man nga mga bagyo ang mahidangat samtang kita ang tukma nga magdumala sa ekonomiy," matud pa ni Lacierda. Bisan pa man ang BSP nakakita sa madumala nga panglantaw sa inflation, kini ang nagpabilin nga nagbantay sa epekto sa mga kalamboan sa Europe sa sentiminto sa pamuhunan ug kalbutanhong panginahanglan. (JPA/GCC-PIA9, ZamboSur) | 
