PIA Press Release
Tuesday, January 24, 2012 Cebuano news:Bag-ong police precinct gitukod sa Panabo CityPANABO CITY DAVAO DEL NORTE, Jan. 24 -- Gitunol ni Mayor Jose L. Silvosa ang susi ngadto kang Panabo PNP Chief of Police P/SUPT Marvin P. Pepino atol gipahigayon nga Blessing, Inauguration ug Turn-over Ceremony sa bag-ong Police Precinct sa Panabo PNP didto sa Facuma Road, Barangay Sto. Niño, Panabo City, Enero 17 ning tuiga.Aduna usay hanubong programa nga gipahigayon nga diin gitambongan ni Mayor Jose L. Silvosa, Sr. ug mga Konsehales sama ni Hon. Gregorio U. Dujali III, Hon. Roperto B. Cagafe ug Hon. Jovito M. Glodo. Nitambong usab si DILG City Local Government Operation Officer Danilo M. Hernandez, Kapitan Fely Dalagan sa Barangay Sto. Niño kauban ang iyang mga barangay opisyales ug Pastor Manolito Tidoy nga nagdumala sa maong pag-blessing. Gipaabot usab ni Mayor Jose L. Silvosa, Sr. ang iyang mensahe ngadto sa mga katawhan ug sa mga negosyante sa palingke nga misaksi nga magtinabangay ug mag kooperar sa kapulisan sa pagsulbad sa mga kriman sa syudad. “Kung aduna kamo’y makit-an nga adunay katahapang lihok mapa-indibidwal man o grupo ayaw ninyo langana sa paghatag ug impormasyon sa atong kapulisan aron ila kining daling maaksyonan.” Matud ni Mayor Silvosa. Dako usab ang pasalamat ni P/SUPT Pepino sa maong kalamboan ug matud niya nga pinaagi sa bag-ong outpost nga gitukod sa city government, aduna nay daling kadoolan ang katawhan nga nanginahanglan ug “police assistance” labi na gyud ang mga negosyante sa palingke gumikan kay naa lamang daplin sa merkado publiko ang maong estasyon. Dugang nasayran nga ang pagtukod sa bag-ong gambalay sa kapulisan gigahinan kini ug igong pundo sa lokal nga panggamhanan sa syudad. Human sa maong turn-over ceremony gigamit dayon sa kapulisan sa Panabo ang maong outpost. (Panabo CIO/PIA XI) |
