Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 25 April 2017 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
PBB Guidelines 2016
Click to Open
PIA Snapshot

120201-r6-goodjob
PIA Online
One Mindanao eNewsmagazine
One Visayas eNewsletter
One Luzon eNewsmagazine
ST@R eNewsmagazine
PIA Members Only:
PMIS | PANP Phone Directory
PIAEA Corner:
Application | View PIAEA Site
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
Information to Empower Filipinos
English NewsFoto ArchivesRegional WatchOFW Watch
FrontpageHeadlines by RegionNews ArchivePIA SpecialsICT News

PIA Press Release
Wednesday, January 25, 2012

 

Tagalog news: Panawagan ni PNoy sa bagong hepe ng Coast Guard: Katapatan at dedikasyon sa serbisyo

MANILA, Enero 25 (PIA) -– Katapatan at dedikasyon sa serbisyo. Ito ang mga naging panawagan ni Pangulong Benigno S. Aquino III sa bagong pinuno ng Philippine Coast Guard sa ginanap na change of command ceremony kahapon sa Headquarters ng Coast Guard sa Maynila.

Ayon kay Pangulong Aquino, buo ang kanyang kumpiyansa sa bagong talagang hepe ng Coast Guard na si Rear Admiral Edmund Tan kapalit ni Admiral Ramon Liwag.

“Kay Admiral Tan, naitalaga ka sa isang napakahalagang katungkulan dahil sa tiwalang kaya mong paglingkuran nang buong katapatan at dedikasyon ang sambayanang Pilipino,” wika ng Pangulo.

Pinaalalahanan din ng Pangulo si Tan na huwag kaliligtaan ang kapakanan at pangangailangan ng kanyang mga tauhan sapagkat sila ang magiging katuwang nito sa pagtupad ng kanyang sinumpaang tungkulin.

inuri naman ni Pangulong Aquino ang buong Coast Guard dahil sa katatagan ng organisasyon laban sa mga banta ng terorismo, iligal na droga, pagpupuslit ng armas, human trafficking, iligal na pangingisda, pang-aabuso sa maritime environment, transnational crimes, at iba pang mga pagsubok sa seguridad ng bansa.

"Anumang ragasa ng pagsubok-mula man sa masasamang elemento, hanggang sa mga sungit ng kalikasan-talagang hindi nagpatinag ang Coast Guard,” dagdag pa ng Pangulo.

Siniguro naman ni Pangulong Aquino na patuloy ang pamahalaan sa pagpapataas ng antas ng kakayahan, gamit at iba pang pangangailangan hindi lamang ng Coast Guard, kundi sa lahat ng mga nangagalaga sa seguridad ng bansa.

Samantala, pinasalamatan ng Pangulo si Admiral Liwag sa kanyang husay at dedikasyon sa pagtaguyod ng kaligtasan at kapakanan ng bawat ordinaryong Pilipino, lalung-lalo na aniya sa panahon ng pagsubok.

“Magmula nang humalili ka bilang kapitan ng Coast Guard, wala kang sinayang na panahon para masiguro ang organisasyong ito ay tumatahak lamang sa daang matuwid,” wika ni Pangulong Aquino.

Pinuri rin ng Pangulo ang naging adhikain ni Liwag na mapangalagaan ang ating teritoryong pandagat na kinilala maging ng ibang bansa.

Bago pa man nagtapos ang talumpati, nagpahayag naman ang Pangulo ng pananalig sa bagong talagang pinuno ng Coast Guard na patuloy nitong itataguyod ang kaligtasan ng bawat Pilipino-may sakuna man o wala, sa karagatan man o sa kapatagan.

“Kasama ninyo akong maglalayag, sa payapang dagat man o sa dambuhalang daluyong ng mga pagsubok, at sama-sama nating ihahatid ang ating bayan sa isang maunlad, matiwasay, at kapakipakinabang na bukas,” pagsiguro naman ng Pangulo.

Si Rear Admiral Tan ay ang ika-24 Commandant ng Philippine Coast Guard. Siya ay tubong Dumaguete City at miyembro ng Philippine Military Academy ‘Mapitagan’ Class of 1980. (PCG/RJB/JEG-PIA-NCR)

Latest Stories
  • DOST project beneficiary produces biggest 'ulang' (R02)
  • Solar energy to light up 75 more houses in off-grid areas in NegOr (R07)
  • DA plans to use Mindanao program in Luzon (R11)
  • DSWD 1 marks its 61st anniversary celeb in February (R01)
  • 500 poor families get 'bags of blessing' (R06)
  • Close to 200 Negros Occidental police officers get promotion (R06)
  • NGO urges public to collect, propagate seeds to create native tree forests in CV (R07)
  • Police Information Officers receives commendation medals (R06)
  • DSWD brings Pantawid Pamilya program to Dumaguete City (R07)
  • LGU issues guidelines on use of municipal filling station (CAR)
  • NGO to hold free breast, cervical cancer screening (R07)
  • Aklan detainees trained on proper waste management (R06)
  • Hiligaynon news: DOLE 6 may bag-o nga direktor (R06)
  • Mangrove tree planting to highlight World Wetlands Day (R06)
  • Balikbayan finds ulang production profitable (R02)
  • Hiligaynon news: Impormasyon sa populasyon sa Iloilo nagapakita pagkinahanglan sa pagmanehar sing maayo (R06)
  • Various activities to mark World Wetlands Day in Iloilo (R06)
  • Tagalog News: Tapul Reef, ipinapadeklarang fish sanctuary (MIM)
  • Hiligaynon news: Alert Level sa Yemen napanubo sa level 2 – DFA (R06)
  • P118-M worth of Infra projects implemented by Dipolog in 2011 (R09)
    FotoCatalogSitestats  
    GOOD NEWS Series
    goodnews
    PIA Special Sites:

    ASEAN Philippines

    Philippine Official Gazette | Office of the President | Presidential Communications Operations Office
    For comments and feedback, please email PIA Newsdesk
    Copyright © 2005 Philippine Information Agency
    PIA Building, Visayas Avenue, Diliman, Quezon City 1101 Philippines