PIA Press Release
Thursday, January 26, 2012 Cebuano News: PNoy mihidangat dinhi sa Iligan kagahaponBy Divina M. SusonILIGAN CITY, Lanao del Norte, Jan. 26 (PIA) — Mihidangat kagahapong adlawa dinhi sa Iligan City si Presidente Benigno Simeon Aquino III. Kini aron maoy manguna sa pagtukod sa mga balay didto sa resettlement site sa Barangay Sta. Elena pinaagi sa Core Shelter Assistance Program sa nasudnong kagamhanan pinaagi sa Department of Social Welfare and Development (DSWD). Bout ni Pres. Aquino nga dinhi sa Iligan mahitabo ang ‘kick-off’ sa People Power Anniversary nga natunong usab nga sumad sa adlaw’ng natawhan sa iyang inahan nga si kanhi Presidente Cory Aquino. Kini maoy pagtuman sa iyang saad nga ‘ania siya kanunay sa atong luyo ug dili siya mobiya sa bisan unsay mahitabo’ tungod kay ang katawhan ang iyang ‘Boss.’ Ang resettlement site sa Sta. Elena matukuran og kapin tres mil ka mga balay nga adunay gilapdon nga 50 square meter matag lote ug adunay 25 square meter nga floor area matag unit. Gilangkuban kini sa mixed single-detached, duplex, raw houses ug apartment type nga design. Mokabat 300 ka mga balay ang gipunting nga mahuman sa Pebrero 25, ang anibersaryo sa People Power. (CIO/PIA-10) | 
