PIA Press Release
Thursday, January 26, 2012 Cebuano News: Mga livelihood association nga apektado sa bagyong Sendong, makadawat ug ayudani Boy DecenaILIGAN CITY, Lanao del Norte, Jan. 26 (PIA) -- Makadawat ug ayuda gikan sa kagamhanang lokal ang mga livelihood association nga apektado sa nakalabayng bagyong Sendong. Kini maoy nahisayran gikan ni Julius Haganas kinsa OIC Division Head sa Cooperative Development and Livelihood Office (COOP) Research Division. Sumala pa ni Haganas nga duha ka matang sa ayuda ang madawat sa mga apektado nga mao ang ayuda gikan sa Department og Labor and Employment (DOLE) ug sa kagamhanang lokal pinaagi sa Cooperative Development and Livelihood Office (CDLO). Sa pagkakaron aduna na’y siyam (9) ka mga livelihood association dinhi sa dakbayan ang nasutang apektado sama sa pagkaanod sa ilang kagamitan sa livehood nga naglangkob sa 356 ka mga miembro gikan sa Ice Cream Vendors Association; Negokart; Acmac Fishermen’s Association; Tibanga, Bayug, Santiago, Sta. Felomina ug Sea Warriors Fisherfolks nga adunay kinatibok-ang damyos nga 1.2 milyones ka pesos nga ang project niini mao ang gitawag ug Isla- Fishing Gears and Equipment. Sumala pa ni Haganas nga ila pa usab karun nga gisusi kadtong pipila pa ka mga livelihood association nga apektado ug angayang makadawat sa livelihood assistance gikan sa kagamhanang lokal sa pagdumala ni City Mayor Lawrence Ll. Cruz ug City Councilor Roy Openiano nga maoy Chairman sa Committee on Cooperative and Livelihood sa konseho. (CIO/PIA-10) | 
