PIA Press Release
Thursday, January 26, 2012

Cebuano News: NHA mopahigayon og census masterlist validation

CEBU CITY, Enero 26 (PIA) -- Ang National Housing Authority (NHA) inabagan sa probinsya sa Sugbo mopahigayon og “Census Validation” pinaagi sa pagpamaskin sa masterlist sa upat ka barangay dinhi sa syudad sa Sugbo sugod ugmang adlawa, Enero 27 hangtod Enero 31, 2012.

Adunay pagpamaskin sa 2011 Census Masterlist of Households sa Barangay Busay, Capitol Site, Camputhaw og Kalunasan sugod ugmang adalawa sa ilang barangay hall.

Kini nga Census Validation maghatag og kahigayunan nga makorehi-an o mailisan ang mga sayop nga spelling sa mga pangalan o kon adunay idugang nga mga impormasyon.

Kadtong adunay sayop sa ilang mga pangalan o kon adunay mga pangutana, adto lang sa inyong tagsa-tagsa ka barangay hall og magdala og duha (2) ka valid ID (Company ID, BIR/SSS/GSIS o Pag-IBIG Membership card) o mga dokumento (original og xerox copy) sama sa Birth/Death Certificate; Voter’s ID/Affidavit; Marriage Contract; School Records; Driver’s License; NBI Clearance; Income Tax Returns og Passport aron nagpamatuod sa impormasyon.

Ang pagbisita sa barangay hall sa Busay giskedyul sa taga NHA karong Pebrero 1-2 gikan sa alas otso sa buntag hangtod sa alas kwatro sa hapon. Ang CPSTA ipahigayon karong Pebrero 3 gikan sa alas otso sa buntag hangtod sa alas dose sa udto.

Sa Brgy. Capitol Site pagahimoon karong Pebrero 3 gikan sa ala una sa hapon hangtod sa alas kwatro sa hapon.

Sa Pebrero 4 usab ang skedyul sa Brgy. Kalunasan gikan alas 8 sa buntag hangtod sa alas kwatro sa hapon.

Karong umaabot Pebrero 5 gikan sa alas 8 sa buntag hangtod sa alas kwatro sa hapon ang skedyul sa Brgy. Camputhaw.

Sa laing bahin, kadtong mga nagpoyo sa maong mga barangay nga wala nahiapil sa census o nagdumili sa pagpacensus o kon sakto na ilang mga impormasyon, pwede nang dili moadto sa barangay hall.

Nanghinaot ang NHA nga mobisita ang mga tawo sa nahisgutang mga barangay sumala sa ilang mga skedyuls para maatiman gyud sila.(mbcn/hfgPIA-7)