PIA Press Release
Friday, January 27, 2012 Cebuano News: Mga IDPs sa Luinab Elementary School gibalhin na sa bag-ong temporary shelterni Boy DecenaILIGAN CITY, Lanao del Norte, Jan. 27 (PIA) -- Nabalhin na bag-ohay ngadto sa duha ka mga barangay sa Luinab ang 217 ka mga pamilya sa evacuees nga kanhi mipasilong sa Luinab Elementary Schools. Mao kini ang nasayran gikan ni City Councilor Frederick Siao kinsa mao ang gitahasan ni Mayor Lawrence Lluch Cruz nga modumala sa mga evacuation center ug temporary shelter operations. Inabagan, matud pa, ang maong kalambo-an sa paningkamot sa konseho sa nasangpit nga barangay nga ubos sa pagpangulo ni Kapitan Gilberto Agbay. Sumala pa ni Konsehal Siao, gihimo ang maong paningkamot aron mapabalik sa normal ang klase sa maong tunghaan. Dugang niini, natakdang ibalhin na sunod semana ang 123 ka mga internally-displaced persons o Sendong survivors ang ibalhin gikan sa Santiago gym ngadto sa open field tapad sa Sta. Elena barangay gym. Mopahimutang sa ilang temporaryong koral sa lokasyon ang International Organization for Migration samtang ang DSWD ang motubag sa ilang mga tolda nga pagasilongan. (CIO/PIA-10) | 
