Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 28 June 2017 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
PBB Guidelines 2016
Click to Open
PIA Snapshot

120201-r6-goodjob
PIA Online
One Mindanao eNewsmagazine
One Visayas eNewsletter
One Luzon eNewsmagazine
ST@R eNewsmagazine
PIA Members Only:
PMIS | PANP Phone Directory
PIAEA Corner:
Application | View PIAEA Site
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
Information to Empower Filipinos
English NewsFoto ArchivesRegional WatchOFW Watch
FrontpageHeadlines by RegionNews ArchivePIA SpecialsICT News

PIA Press Release
Friday, January 27, 2012

 

Waray news: Japan nagsuporta hin mga livelihood projects nga pinangungunahan han mga unibersidad

MANILA, Enero 27 (PIA) -- Nagpirma hin duha nga grant contract an nasud han Japan nga an panuyo para mapaharu-habubu ug maibanan an kapobrehan ngan mabuligan an mga kumunidad pinaagi hin pagtrabaho hin mag-iba-iba nga mga pamakabuhi didto ha Northern Samar ngan ha La Trinidad, Benguet.

An duha nga grant contract amo an paghimo hin coco coir training center didto ha Northern Samar ngan hin food processing facility didto naman ha La Trinidad, Benguet.

Ini nga duha nga nasabi nga mga proyekto nga amo an: “The Project for the Construction of the Regional Coconut Coir Technology and Productivity Center in Northern Samar” ngan han “The Project for Construction of Food Processing Center in La Trinidad, Benguet” en ginpondohan ha ilarum han Grant Assistance for Grassroots Human Security Projects (GGP).

Ginbabana-bana nga por lo menus 1,500 nga mga parag-uma han duha nga probinsya en makakatagamtam tikang han syahan nga tuig han operasyon hadton nasabi nga mga proyekto.

An Northern Samar amo en usa han pinaka-pobre nga probinsya han aton nasud. An mga parag-uma hini nga lugar en nadepende la han ira pamakabuhi han lubi komo amo gud la nga pangita nga may-ada average monthly income nira nga por lo menus P2,400 nga kon diin ini en habubu kaupay hiton sinesering nga poverty line nga P4,010 han bug-os nga rehiyon.

An ayat hini en kon papatiunan-on paghimo hin mga dikalidad nga mga coconut product nga makakahatag ha ira hin kadugangan nga pangita o income hadton mga parag-uma han lubi.

Pinaagi hini nga grant assistance, nga nabalor hin US$ 109,503 (approximately P4.8 million), usa nga training center nga may-ada dormitoryo en paghihimu-on ha sakob hiton campus han University of Eastern Philippines (UEP) didto ha Catarman, Northern Samar. An mao nga center en magtututdo hadton mga parag-uma han lubi kon papatiunan-on an paghimo hin mga coir fibers ngadto hin mga processed products sugad hiton coco mattresses, carpets, ropes, ngan nets, pinaagi hin paggamit hin simpli nga teknolohiya nga ginpaka-upay han nasabi nga unibersidad. May pira na hini nga mga produkto en ginbaligya na ha iba nga mga langyaw nga nasud labi na gud an China ngan Korea ngan hasta daman ini ginbabaligya didto han iba-iba nga lugar han aton nasud.

May-ada mga 350 nga mga coconut farmer ngan 50 nga mga trainee en igahahag-id bahin han coconut coir processing hiton syahan nga tuig nga operasyon.

Samtang adton kinikilala nga “salad bowl” hadton Pilipinas, nga kon diin kadak-an hini an mga utanon an ginbabaligya didto ha Luzon ngan amo la an kinukuha-an nga lugar nga La Trinidad, ini nga lugar en kinikilala daman nga strawberry production nga kon diin hira en ginbabantug o kinikilala komo “strawberry capital” han aton nasud. Pero an tuna han Benguet en nagkukulang na han taramnan dara han padayon han pagtikadamo han populasyon.

Bisan pa man han ka limitado na han lugar para han agrikultura, an mga parag-uma en padayon la gihap nanalingkamot nga mapadayon an kadamo han ira mga produkto. Pero dara na mangud han ka limitado na han tuna, makuri na gud ha ira nga madugangan pa an ira mga pangita. An mahihimo nala nira amo an pagpaka-upay hadton ira mga produkto pinaagi na gud la hin mga processing.

Pinaagi hini daman nga grant assistance nga nabalor hin US$ 107,806 (approximately P4.7 million), an Benguet State University (BSU) en maghihimo hin food processing center para han strawberry ngan vegetable. May-ada por lo menus mga 200 small-scale food processor ha kada tuig en ighahag-id kon papatiunan-on adton pagproseso han pagkaon nga nahisusubay hadton standards han Food and Drug Administration (FDA). Pinaagi han pagpaka-upay han kalidad hadton ira mga produkto ngan han ira pakakuha han accreditation han FDA, an mga food processor en sigurado gud makakapagbaligya hira han ira mga produkto hin mas hiruhitaas nga presyo.

May-ada mga 900 nga mga parag-uma didto ha La Trinidad ngan han paghagrani nga mga bungto en makakabenipesyo tikang hini nga nasabi nga proyekto.

Hadton tuig 2011, may-ada na 456 grassroots projects nga gin-pondohan han GGP – nga nagtitikang hin por lo menus 1 to P4 million – ini en nahi-implementar na han mag-iba-iba nga mga NGOs, local government units ngan hin iba pa nga mga non-profit organization. An total grant para hadton mga proyekto ngatanan en inabot na hin kantidad nga US$ 21,267,500.

An Japan en natuo nga ini nga mga proyekto nga iginhatag en dire la nakakapagpakusog han relasyones han mga katawhan ha butnga han duha nga nasud kundi hadton existing strategic partnership between Japan and the Philippines. (PIA-8, Eastern Samar, translated by: SDC)

Latest Stories
  • DOST project beneficiary produces biggest 'ulang' (R02)
  • Solar energy to light up 75 more houses in off-grid areas in NegOr (R07)
  • DA plans to use Mindanao program in Luzon (R11)
  • DSWD 1 marks its 61st anniversary celeb in February (R01)
  • 500 poor families get 'bags of blessing' (R06)
  • Close to 200 Negros Occidental police officers get promotion (R06)
  • NGO urges public to collect, propagate seeds to create native tree forests in CV (R07)
  • Police Information Officers receives commendation medals (R06)
  • DSWD brings Pantawid Pamilya program to Dumaguete City (R07)
  • LGU issues guidelines on use of municipal filling station (CAR)
  • NGO to hold free breast, cervical cancer screening (R07)
  • Aklan detainees trained on proper waste management (R06)
  • Hiligaynon news: DOLE 6 may bag-o nga direktor (R06)
  • Mangrove tree planting to highlight World Wetlands Day (R06)
  • Balikbayan finds ulang production profitable (R02)
  • Hiligaynon news: Impormasyon sa populasyon sa Iloilo nagapakita pagkinahanglan sa pagmanehar sing maayo (R06)
  • Various activities to mark World Wetlands Day in Iloilo (R06)
  • Tagalog News: Tapul Reef, ipinapadeklarang fish sanctuary (MIM)
  • Hiligaynon news: Alert Level sa Yemen napanubo sa level 2 – DFA (R06)
  • P118-M worth of Infra projects implemented by Dipolog in 2011 (R09)
    FotoCatalogSitestats  
    GOOD NEWS Series
    goodnews
    PIA Special Sites:

    ASEAN Philippines

    Philippine Official Gazette | Office of the President | Presidential Communications Operations Office
    For comments and feedback, please email PIA Newsdesk
    Copyright © 2005 Philippine Information Agency
    PIA Building, Visayas Avenue, Diliman, Quezon City 1101 Philippines