PIA Press Release
Saturday, January 28, 2012 Waray news: 76-Pinoy ha Syria pinauli han embahada han PHL didtoMANILA, Enero 28 (PIA) -- Inabot ha nasud kakulop, Hoybes, in tulo nga Pinoy sakay han Qatar Airways, tikang ha Aleppo, Syria.Nagpahayag mismo an Philippine Embassy ha Damascus nga hi , a.i. Olivia V. Palala ngadto ha Department of Foreign nga pinauli han embahada nga niyan daman han nakalabay pala nga Merkoles, 76 nga Pinoy in pinauli tungod han dire establi nga kahimtang didto dapit. Maglain la daw nga mga eroplano an sinakyan han bag-o nga nagkaabot nga Pinoy. An 33 nga Pinoy nga inabot niyan han Hoybes, in sakay han Emirates Airlines ug an 40 nga iba pa in sakay han Qatar Airways. An mga nanguli nga Pinoy tikang ha Syria in gintapo daw gud han mga opisyal han DFA , nga pinangunahan nira Foreign Affairs Executive Director for Migrant Workers Affairs Ricardo Endaya, ug mga representantes han Opisina han Vice President (OVP) ug Overseas Workers Welfare Administration (OWWA) ha Ninoy Aquino International Airport (NAIA). An 32 daw nga mga tiket in nga sakay han Emirates Airlines, in iginhatag han International Organization for Migration (IOM) ha Damascus, komo kaparte han saad han opisina han IOM office. An 32 nga Pinoy nga kadak-an mga babayi in ginklasipikar ha ilarum han IOM criteria komo mga biktima o an senesiring nga Victims of Trafficking (VOT) ug mga trabahante nga nabuligan tikang han masamok nga mga lugar han Homs, Hama, Daraa ug Idlib. Upod han nanguli nga Pinoy in duha nga estudyante nga Muslim nga waray pakakapagpasige han pag-eskoyla tungod han samok ha Syria pati pa an 16 nga kabulig ha balay nga tikang ha Homs, Hama, ug Latakia. Mayda daw gud daman mga Pilipina nga ginbuligan ug pinaukoy ha pira nga kwarto han embahada samtang ginbubuhat an pakipagtuhay ha ira mga amo ug mga otoridad han Syria. Ginhangayo daw han embahada ha mga amo han mga OFW nga matagan hira hin exit visa. Ha pagka yana daw, 771 na nga Pinoy an nakauli tikang ha Syria.(Translated by aen/PIA-8 Eastern Samar) | 
