PIA Press Release
Tuesday, January 31, 2012 Cebuano News: Gobyernong Aquino mihimo ug mga lakang aron sa pagpamenos sa epekto sa nagpadayon nga pagsaka sa presyo sa lana sa langyawMANILA, Enero 31 --- Ang gobyernong Aquino nagsugod sa paghimo sa tanang posible nga mga paningkamot aron sa pagpamenos sa epekto sa nagpadayon nga pagsaka sa presyo sa lana sa merkado sa kalibutan ngadto sa mga konsumedor ug sa atong ekonomiya, matud pa sa usa ka opisyal sa Palasyo niadtong Lunes.Si Deputy Presidential spokesperson Abigael Valte nagpagawas ug pamahayag diha sa regular nga pakighinabi sa mga manunulat nga gipahigayon sa Malacanang niadtong Lunes, isip pagtubag ngadto sa mga taho bahin sa pag-angkon sa Iran nga ang presyo sa lana tingale mosaka sa taas nga US$150 matag bareles tungod sa pagdili sa pagpalit sa European Union sa krudo sa Iran. “Ako nagtuo nga kini nga butang nahibaw-an na sa Department of Energy (DOE) ug nga kini gihimuan na ug mga lakang aron sa pagkab-ot ug mga lakang kung ang maong susamang butang mahitabo, "matud pa ni Valte. Ang DOE naneguro sa ilang mga paningkamot aron pagseguro nga ang presyo sa produktong petrolyo sa nasud magpabilin nga ensakto ug rasonable. Ang DOE usab nagsugod sa pag-implementar sa uban nga mga lakang aron a pagtubag sa epekto sa nagpadayon nga pagsaka sa presyo sa lanang krudo. Ang mga taho nagtug-an nga ang European Union Foreign Ministers nagkasabot sa pagdili pagpalit ug lana gikan sa Iran sugod sa Hulyo 1 isip kaparte sa mga lakang sa paghiusa sa pagduso sa nuclear nga programa sa mga nasud sa Persian Gulf, ang 27 ka nasud nga hugpong matud pa sa usa ka mensahe nga gipagawas sa milabay nga semana. Ang EU magpugong sa mga katigayonan sa bangko sentral sa Iran sa Europa ug ingon man sa laing walo pa ka mga kompaniya ug sa pagdili sa pagbaligya sa bulawan, mga mahal nga puthaw, diamonds ug mga produkto sa petrochemicals gikan sa Iran, matud pa sa EU. Si Iran Deputy Oil Minister Ahmad Qalebani nagkanayon nga ang mga presyo sa lana tingale mosaka sa taas nga US$150 matag bareles sa umaabot, matud pa sa maong taho. (Translated by RS Victoria/PIA 8 Biliran) | 
