Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 24 November 2017 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << November 2017 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/04/10

Cebuano News: PGMA molihok pagpakgang sa kagubot sa eleksyon

By Rodrigo S. Victoria

Naval, Biliran (10 April) -- Si Presidente Gloria Macapagal Arroyo (PGMA) nagmando kagahapong adlawa sa hiningusgan nga kooperasyon tale sa mga ahensya nga tigpasunod sa balaud, mga lumolupyo ug ang Commission on Elections (Comelec) sa pagpakgang sa nagtikadako nga insidente sa kagubot nga may kalabtanan sa eleksyon sa nasud.

Sa usa ka pamahayag, ang Presidente nanumpa, "Kini nga gobyerno dili motugot sa nagtikasaka nga dagan sa kagubot sa eleksyon nga mauy magpukan sa demokrasya sa Pilipinas."

"Ako nangayo sa kinatibuk-an nga kooperasyon sa atong mga komunidad sa usa ka tripartite nga paglihok nga naglakip sa mga lokal nga pangagamhanan (LGUs), ang Philippine National Police (PNP) ug ang Armadong Kusog sa Pilipinas (AFP) sa pagpakunhod sa kagubot ubos sa pagdumala sa Comelec kung gikinahanglan,' siya nagkanayon.

Ang Presidente mipagawas ug direktiba human ang National Monitoring and Action Center (NEMAC) sa PNP mirehistro ug 46 ka mga insidente sa kagubot nga may kalabtanan sa eleksyon ug 1,479 ka mga pag-aresto sa mga tawo nga nahikit-an nga nakahimo ug kalapasan sa gipatuman sa Comelec nga gun ban sukad sa pagsugod sa kampanya niadtong Enero 14.

Lakip nga nailhan kaayo apil sa 46 ka mga kaso sa kagubot nga may kalabtananan sa eleksyon mao ang pinakaulahi nga mga pagpatay sa kandidato sa pagka-kongresista sa probinsya sa Quezon nga si Vicente Rabaya, Jr. ug Kalinga Vice-Governor Romel Diasen.

Si Rabaya nakit-an nga nasum-ok sakob sa behikulo nga Toyota subay sa Katipunan Avenue sa Quezon City sa milabay nga Marso 31 samtang si Diasen gipusil-patay samtang naghimo ug pagpamulong sa Kalinga niadtong Abril 7 (Black Saturday).

Ang Presidente nagmando sa mga otoridad "sa dinalian nga pagsulbad sa mga dagko nga mga kaso, pagpaneguro nga molihok ang mga tigpaniid diha sa mga barangay aron mabantayan ang kagubot usa kini moulbo, pagbutang ug kusog nga paglihok sa mga armas nga layaw ug pagrekomendar ug sayo nga pagkontrol sa Comelec alang niadtong pinakailado na nga mga hotspots.

Gusto matan-awan sa Presidente ang "mas dako nga pagtambayayong" tale sa mga otoridad ug counter-insurgency nga mga operasyon aron nga ang mga grupo nga walhon nga nagplano sa pagpamentaha sa kagubot nga may kalabtanan sa eleksyon aron dili magmalampuson sa ilang mga plano.

"Sa susamang higayon, adunay klaro nga dagan sa mga kalihukan sa pag-alsa nga misakay sa panahon sa kagubot sa eleksyon, ug akong gustong makit-an ang mas dako nga pagtambayayong sa mga kapulisan ug mga operasyon sa counter-insurgency aron nga ang balaud ug ang kahapsay mapatuman sa komprehensibo nga paagi aron maprotektahan ang integridad sa eleksyon ug ang pagpagaan sa mga pagduda sa publiko," nagkanayon ang Presidente.

"Atong protektahan ang atong pagboto, kagawasan sa pagpili ug demokrasya sa kinatibuk-an nga katuyuan sa panaghiusa ug ang pagpadayon sa kahinguhaan," siya midugang. (PIA-Biliran) [top]

|«  prev  next  »|
DAILY NEWS LIST:
»Team unity condemns killing of Indon priest
»Defensor says Team Unity has genuine platform for public service
»Team Unity claims victory over LGU support
»Feature: Mobilizing the entire bureaucracy for Accelerated Hunger Mitigation program
»PGMA moves to stem poll violence
»Palace welcomes World Bank report on RP's potential growth
»PGMA orders release of P1.8 billion for pension arrears of war veterans
»Doctors mum on First Gentlemanís condition
»Comelec set to identify more election hotspots
»AFP chief notes lapses in Davao raid
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines