Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 23 November 2017 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << November 2017 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/04/13

Cebuano News: Dureza nagpahayag sa mga bag-ong programa para sa mga kanhi rebelde

By Rodrigo S. Victoria

Naval, Biliran (13 April) -- Ang pag-umol sa nasudnong komiteba nga mauy motabang sa kanhi mga rebelde sa nasud nga mahibalik ngadto sa normal nga kinabuhi usa ka mahinungdanon butang sa kinatibuk-an nga proseso sa kalinaw, matud pa sa pinakataas nga negosyador sa kalinaw.

Si Secretary Jesus Dureza, Presidential Adviser on the Peace Process (PAPP) nagkanayon nga ang paglagda ni Presidente Gloria Macapagal Arroyo sa Administrative Order nga nag-umol sa National Committee on Social Integration (NCSI) gikinahanglan alang sa pagpangita sa patas, manilungtaron ug mapadayonon nga kalinaw sa nasud.

Ang maong nasudnong komiteba mag-implementar sa mas makusog ug komprehensibo nga programa sa tabang nga maglakip sa pagdumala sa mga pwersa ug armas sa mga kanhi rebelde ug ang ilang pagbalhin ngadto sa kinabuhi nga sibilyan.

Usa sa makit-an sa maong programa mao ang pagpanguha sa mga armas nga tag-as ug kalibre gikan sa dili mga otorisado nga mga sibilyan ug ang hinanali nga pagguba o pagtangtang nila sa serbisyo.

Si Secretary Dureza nagkanayon nga ang AO 172 nga gipermahan niadtong Marso 23 mauy makapausbaw sa positibo nga lihok sa gobyerno sa pag-atender ngadto sa mga elemento nga armado nga gusto magpuyo sa kalinaw ug mabungahon nga kinabuhi.

Kini mauy magpauswag sa paglambo ilabi na sa kalungsuran, si Dureza nagkanayon.

Ang NCSI, ubos sa Office of the Presidential Adviser on the Peace Process Process (OPAPP) mauy gitukahan sa pag-implementar sa Social Integration Program (SIP) alang niadtong mga elemento sa mga armadong rebelde sa nasud.

Si Dureza mitudlo kang Assistant Director-General Zenonida Brosas sa National Security Council (NSC) isip Officer-in-Charge (OIC) sa bag-ong giumol nga komiteba.

Inderekta nga mitubag ngadto sa mga pamahayag sa Moro Islamic Liberation Front (MILF), si Dureza miklaro nga ang mga paningkamot sa gobyerno alang sa paghimo ug negosasyon sa di-prinsipyo nga panagsabot tale sa rebelde nga mga grupo sama sa MILF mauy prayoridad.

Siya midugang nga ang SIP dili direkta o gitumong sa pagpaluya sa nagpadayon nga mga negosasyon tale sa MILF.

“Sa laing bahin, ang pagtubag sa mga butang sa uban nga mga armado nga rebelde mao ang makapakgang o makanegar sa mga naangkon nga atong gipaningkamutan nga mapadayon sa atong negosasyon tale sa MILF nga mauy makapalig-on sa proseso sa kalinaw ug mauy maghatag ug mas makanunayon nga kalinaw sa palibot alang sa tanan,” matud pa ni Dureza.

Si OIC Brosas sa laing bahin nagtug-an nga ang mga butang nga may kalabtanan sa organisasyon gihimo na sa pagkakaron samtang kini nga programa giunahan na pagsugod didto sa Sulu. (PIA-Biliran) [top]

|«  prev  next  »|
DAILY NEWS LIST:
»ADB commits US$5.1-M for BIMP-EAGA in 2007
»Comelec La Union cleanses voters' list
»Food-for-school program continues in Samar this summer
»NFA to continue "food-for-school" in Iloilo
»Net FDI up by 51%, says BSP
»RP envisioned as retirement haven in Southeast Asia
»Cebuano News: Comelec milimpyo sa 1.1 ka milyon malimbungon nga mga botante
»Commentary: Economy to determine results of May polls
»Region 8 welcomes entry of Kasayuran News Network
»GSIS explains upgraded e-Card for pensioners
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines