Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 23 November 2017 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << November 2017 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/04/24

Cebuano News: Bunye: Ang gobyerno nakig-away sa terorismo pinaagi sa pagpatubo sa ekonomiya ug pagwagtang sa kakabus

By Rodrigo S. Victoria

Naval, Biliran (24 April) -- Si Press Secretary ug Presidential Spokesperson Ignacio R. Bunye misubli kagahapong adlawa sa determinasyon sa gobyerno sa pagkig-away sa problema sa terorismo pinaagi sa pagpatubo sa ekonomiya aron sa pagpalambo sa mga kinabuhi sa katawhan ug ang pagpausbaw sa paghatag ug gikinahanglan nga mga katilingbanong serbisyo.

Si Bunye mialma sa obserbasyon ni Supreme Court Chief Justice Reynato Puno nga ang "kakabus isip usa ka butang nga nakapadugang sa terorismo kinahanglan nga matubag" tungod kay sa "mga pobre nga mga nasud, ang kakabus mauy tinud-anay nga maghadlok sa katawhan ... tungod ang mga tiyan nga walay sulod ug dili ang uban nga mga dili makit-an nga mga suicide nga tigpamumba.

"Kita midayeg sa mga panglantaw ni Supreme Court Justice Puno ug kinasing-kasing nga miuyon nga ang kakabus usa ka butang nga nakaabag sa terorismo nga kinahanglan tubagon," matud pa ni Bunye sa iyang pamahayag.

"Sa ingon ani nga bahin, ang adminsitrasyon mitutok sa malig-on nga ekonomiya ug paghatag ug balik ngadto sa katilingban pinaagi sa mas maayo nga mga serbisyo," siya midugang.

Sa susamang higayon, si Bunye nagkanayon nga ang gobyerno moharong sa terorismo ug mga lihok sa pagpanghadlok pinaagi sa "hugot nga katuyuan nga nagtamod ug naglihok sa espirito ug mga utlanan sa atong mga balaud."

Ang Press Secretary nagkanayon nga ang gobyerno dili mokatugot nga ang Philippine National Police (PNP) ug ang Armed Forces of the Philippines (AFP) sa paghimo ug "legal shortcuts" sa paghimo niani nga katuyuan.

Si Bunye nag-awhag sa katawhan sa pagtaho sa mga kalapasan sa tawhanong katungod ngadto sa Commission on Human Rights (CHR) ug ang "pagtabang nga maangkon ang panuyo alang sa usa ka malinawon, hapsay, patas ug malambuon nga nasud."

Si Puno sa iyang pakigpulong diha sa commencement exercises sa University of the East sa milabay nga semana, mitataw nga "ang mga nasud nga dili makahatag ug desente nga kinabuhi sa ilang mga kabatan-unan nga katawhan mauy magsilbe nga mga sinugdanan sa mga dili maayo nga mga lihok nga magresulta sa terorismo."

Si Bunye nagkanayon nga si Presidente Gloria Macapagal Arroyo sa iyang kaugalingon miila sa taho nga usa sa kinauyukan nga mga hinugdan sa pag-alsa ug terorismo ang kakabus.

Sa ingon ani nga bahin, ang Presidente nagpabilin nga mitutok sa padayon nga pagtubo sa ekonomiya pinaagi sa paggani ug dugang mga mamumuhunan nga mauy mag-umol ug dugang mga trabaho ug mopausbaw sa gikinahanglan nga mga pondo alang sa pagpabaskog sa paghatag ug mga serbisyo sa panglawas, edukasyon, pagpamalay, pagkaon, inprastraktura ug uban pa nga mga serbisyo sa katilingban alang sa mga katawhan. (PIA-Biliran) [top]

|«  prev  next  »|
DAILY NEWS LIST:
»ITRs not required for "substituted filing" - BIR
»No one is spared from TB disease - DOH
»Jimlani, a public servant to the last day - Col. Luga
»Agencies, LGUs to tighten mountaineering rules
»Comelec to tear down streamers, posters in residences, private firms
»Mt. Apo subsite dev't plan underway
»Mindanao gets exposure from international travel show
»RDC XI sets budget review guidelines, endorses infra projects
»Komentaryo: Violence, tatapusin ng gobyerno
»Leyte hosts 51st BSP annual national council meeting
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines