Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 23 September 2017 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2017 >> 
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/04/25

Cebuano News: Gobyerno gipalig-on ang programa sa pagpadaghan sa micro, small ug medium enterprises

By Rodrigo S. Victoria

Naval, Biliran (25 April) -- Ang gobyerno milihok sa pagtubag sa mga butang nga gipagawas sa lokal nga mga micro, small ug medium enterprises (MSMEs) sumala sa pinakaulahi nga survey nga gipagawas sa United Parcel Service (UPS) Asia Business Monitor, matud pa ni Presidential Management Staff Director General ug Oversight Official sa MSMEs nga si Cerge Remonde kagahapong adlawa.

Sa iyang senemana nga press briefing sa Executive Building sa Malacaņang, si Remonde nagkanayon nga ang maong survey nagpakita sa mga butang gikan sa may 100 ka respondents ngadto sa: suporta sa gibyerno (alang sa MSMEs), pagkuha sa mga pondo ug kapital, transportasyon ug inprastraktura ug kaepesyente sa supply chain.

Si Remonde nagpahayag nga niadtong una usa ang survey gipahigayon, ang gobyerno mipaabot na sa iynag kinatibuk-an nga suporta alang sa pagtukod ug pagpadaghan sa MSMEs ug ngani nag-implementar ug ubay-ubay nga mga inisyatibo gikan sa direkta nga tabang ngadto sa indirekta nga paghatag tabang.

"Ang maong tabang mahikit-an lamang sa Medium Term SME Development Plan," matud pa ni Remonde, nga midugang pag-ingon" ang mga porma sa direkta nga mga tabang naglakip sa mga mosunod: pagkuha ug utang ug mga garantiya, pagpalambo sa produkto ug interbensyon sa teknolohiya, pagbansay-bansay ug suporta sa pagbaligya sa merkado, adbokasiya,' ug uban pa.

"Ang plano gidisenyo aron pagtabang sa mga gradwado sa pagnegosyo ngadto sa sunod nga ang-ang sa pagnegosyo, ug ang pagpahitaas sa ilang kita ug dugang pang mga kapabilidad," matud niya.

Si Remonde midugang nga ubos sa Small and Medium Enterprises Development (SMED) Council, ang gobyerno mihatag ug balor P91.35 ka bilyon nga kantidad sa pautang ngadto sa mga negosyante gikan niadtong 2004 hangtod sa 2006 pinaagi sa SME Unified Lending Opportunities for National Growth (SULONG).

"Sa tuig 2007, ang gobyerno mohatag ug laing P34 ka bilyon para ipautang ngadto sa MSMEs pinaagi sa SULONG," matud pa ni Remonde.

Sumala pa kaniya, si Presidente Gloria Macapagal Arroyo mimando sa tanang ahensya ug instrumentalidad sa gobyerno sa paghimo nga simple sa mga balaud ug patakaran, pag-iban sa mga gikinahanglan nga talaan, ug ang pagwagtang sa mga bayranan ug mga hatagan sa export clearances, permits ug uban pa nga mga gikinahanglan nga mga dokumento aron sa pagputol sa red tape ug sa paghimong sayon sa pagpasilidad sa paghimo ug negosyo ug pag-awhag ug dugang mamumuhunan sa nasud.

Gawas pa niini, si Remonde nagkanayon nga ang Bangko Sentral ng Pilipinas (BSP) nag-awhag sa sektor sa lokal nga mga bangko sa pagpausbaw sa pautang sa SME diha sa ilang loan portfolios.

Siya midugang nga ang BSP mipaubos sa gikinahanglan nga reserba alang sa mga thrift ug rural nga mga bangko, mipagaan sa patakaran aron sa pagpahamubo sa gikinahanglan nga kapital alang sa pagpadagan ug foreign currency deposit units (FCDUs) ug mihatag ug kahigayunan sa mga bangko sa paghatag balik ug puhunan sa mga utang sa microfinance aron sa dugang pang pag-awhag sa mga bangko sa pagtabang sa MSMEs.

"Ang uban pa nga mga porma sa tabang sa gobyerno naglakip sa suporta sa marketing, suporta sa trade fairs sa lokal ug international, pagpahitaas sa teknolohiya, pagpalambo sa produkto ug pagbansay-bansay sa mga tawo,"matud pa ni Remonde.

Siya usab nagkanayon nga ang gobyerno misumpay sa bag-o nga proyekto aron sa pagdugang sa kasayon sa proseso sa transaksyon sa negosyo ug ang pagdala ug mas dali nga pagpangrehistro sa negosyo sa MSMEs.

Siya mitumbok nga ang internet-based system, gitawag nga Philippine Business Registry System," mopahiusa sa tanang mga proseso sa rehistrasyon sa negosyo nga gihimo sa mga nagkalain-laing nasyunal nga ahensya sa gobyerno ug mga lokal nga mga pangagamhanan, paingon ngadto sa walay daghan nga agian nga natad sa pagtransaksyon sa pagrehistro sa negosyo."

Bahin sa indirekta nga tabang, si Remonde nagkanayon nga ang 2.44 ka milyon nga aktibo nga mga kliyente sa MSME makabenepisyo gikan sa Comprehensive Integrated Infrastructure Program sa gobyerno diin kini gitumong sa pagtukod, pag-ayo ug pagpahalapad sa mga kalsada, mga tulay, mga tugpahanan sa eroplano, mga dungguanan sa mga sakyanan sa dagat ug sistema sa mga agianan sa tren nga mauy maghimo nga mas paspas, mas barato ug dugang nga kaepesyente sa pagbayluanay sa mga butang igbaraligya ug mga serbisyo.

"Ang MSMEs kinahanglan nga modaghan ug magmanilampuson ubos sa moderno nga sistema sa pagbiyahe," matud pa ni Remonde. (PIA-Biliran) [top]

|«  prev  next  »|
DAILY NEWS LIST:
»DOLE observes 105th Labor Day celebration
»Davao City holds nutrition council meeting
»Mango producers urges gov't to put up mango post-harvest facilities
»Gov't to expand areas planted with mango
»Igacos is ready for a big hug
»Komentaryo: Pagpatay sa mga journalists, agad na lulutasin
»Cotabato mayor appeals for vigilance
»Tagalog News: DepEd patuloy na ipinapatupad ang student financial assistance program
»Tagalog News: Pamahalaan pinapalakas ang programang magpapalawak ng micro, small, at medium enterprises
»Tagalog News: Pangulo, nagsagawa ng plano para sa kapaligiran
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines