Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 24 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/09/05

Cebuano News: P6.5B nga kita sa RVAT alang sa imprastraktura, serbisyo sosyal

by Rey Anthony Chiu

Manila (5 September) -- HALOS ikatulo nga bahin sa P18.7B nga nakolekta gikan sa Reformed Value Added Tax (RVAT) sukad sa Enero- Marso ning tuig gamiton sa pagtukod og mga imprastraktura ug pagpalapad sa serbisyo sosyal.

Kini butyag ni Finance Secretary Margarito Teves. Siya namahayag nga sa P18.7B, P6.5B niini ang kuhaan aron igasto sa mga proyekto nga mabati dayon sa katawhan.

Sa P6.5B, P1.6B niini ang itukod og pabalay, P1.6B ang alang sa mga proyektong patubig, P1.4B alang sa school feeding ug mga kalihokang magpakunhod sa kagutom samtang laing P1.2B ang ipudbod alang sa paghimo og dugang mga kalsada.

Gipatin-aw sa Kalihim sa panalapi, kinsa miangkong may dugong Bol-anon, nga ang pagpahat sa imprastraktura ug serbisyo sosyal gikan sa RVAT subay sa balaod ug gani mag-puno pa sa 5% matag tuig human sa 30% nga gilagda niini niadtong 2006. Gitakda nga sa 2010, 50% sa kinatibuk-ang koleksyon sa pamuhis ibubo na ngadto sa serbisyo sosyal ug imprastraktura.

Samtang benepisaryo sa resettlement program sa kagamhanan kadtong apektado sa North ug South Rail projects ug North Luzon Expressway improvement, ipakatap usab sa kinatibuk-ang nasud ang ubang pundo nga gipahat.

Ipadagan sa Department of Education (DepEd) ang P1B alang sa food-for-school projects samtang ang Department of Social Welfare and Development (DSWD) modawat sa P269M alang sa iyang milk-drinking program sa mga bata nga naa pa sa preschool ug sa programang pagpatotoy.

Pundohan usab sa nakolektang buhis ang mga patubig sa Tungatungang Luzon, Ilocos ug Cagayan Valley, dugang ni Teves.

Sa laing bahin, ang arterial road links development project may magamit na nga P631.4M samtang ang Metro Manila Urban Transport Integrated Project pundohan sa P540.5 million. (PIA/PNA) [top]

|«  prev  next  »|
DAILY NEWS LIST:
»Davao Norte eyes high value crops
»New facilities bring hope to Davao City jail inmates
»P10 COLA increase to take effect Septemmber 16 in Davao Region
»Commentary: Aggressive advocacy for IT industry
»Two medical transcription companies to open in Davao City
»Tacloban conducts seminar on searches, seizures and arrests
»Crime prevention starts with the individual, priest says
»Local exec cites OCD seminar on multi-hazards mapping in Leyte
»DENR Trees-for-Life project targets Region 8 watersheds, protected areas
»Commentary: P500-B rebel returnee fund for lasting peace
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines