Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 17 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/09/10

Ilocano News: Eco-zone, prioridad ni Congressman Ronald

by Ben Pacris

VIGAN City (10 September) -- Inwaragawag ni Diputado Ronald V. Singson a prioridadna ti pannakapadur-as ti Salomague Port a kas Economic Zone iti Cabugao a mangawis iti ad-adu a kapitalista iti ballasiw-taaw a mangparang-ay ti ekonomia ken mangpataud ti ad-adu pay a panggedan dagiti umili iti Ilocos Sur.

Kinuna ni Congressman Singson a kiddawennanto ti tulong da Presidente Gloria Macapagal Arroyo ken House Speaker Jose de Venecia para iti panagballigi ti Economic Zone a pannakabangon ti ad-adu a paktoria, hotel ken restaurant a mangpapigsa pay ti turismo.

Inlawlawag ti dipuitado iti umuna a distrito nga ipilananto manen ti gakat a pakaseknan ti Economic Zone agsipud ta ti House Bill nga impila idi ni dati a Congressman Salacnib Baterina a mainaig iti eco-zone, saan a naileppas bayat iti 13th Congress. Naaprobaran idin ti Lower House ken Senado ngem saan a naileppas ti bicameral conference.

"Suportarakto dagiti bills dagiti padak a Congressmen tapno suportarandanto met dagiti ipilak a bill," kinuna ti dati a Senior Board member numan pay innayonna a tabunuananto amin a committee hearing tapno saan a maitantan dagiti gakat a pagsayaatan dagiti umili.

Suportaran pay ni Congressman Ronald ti pannakapagbalin a siudad ti agdurdur-as a Cabugao ta maibagayton daytoy a lugar a siudad no agbalinton nga economic zone. Ti ecozone, ti sirmata ni dati a Gobernador ken nag-Congressman Luis "Chavit" Singson a no mabalin maimplementar inton 2010 a kas kunana a daytoyto ti tulbek a mangparang-ay ti Ilocos Sur a kas First Class province.

Uray iti biang ti provincial government nga idauluan ni Gobernador Deogracias Victor "DV" Savellano naan-anay met ti suportana iti pannakapagbalin ti Cabugao a kas Econoic Zone a mangpasayaat ti panagbiag dagiti umili.

Ti Ecozone ti maysa pay kadagiti nadakamat ni Presidente Arroyo bayat iti "Speech of the Nation Adrress"na iti Kongreso itay nabiit a masuportaran iti Super Region a mangparang-ay ti panagbiag dagiti umili.

Uray iti maikadua a distrito, nangipila metten ni Diputado Eric Singson iti gakat a pannakapagbalin ti Candon City a kas economic ken industrial zone a naawis met ti ad-adu pay a negosiante a mangbangon iti paktoria ken industria.

Kabayatanna, mapadur-as ti Vigan Airport babaen iti nailatang a pundo a P25 million manipud iti Department of Transportation and Communications a mangpadur-as ti turismo iti probinsia. (PIA Ilocos Sur) [top]

|«  prev  next  »|
DAILY NEWS LIST:
»OCD conducts trainings on flood early warning system in South Leyte
»Leyte officials hopeful of meeting LAMP 2 project targets
»East Visayas booth shines at 18th Philippine Travel Mart
»Commentary: Energy task force ensures security of power facilities in RP
»South Leyte gov appeals for support to flood early warning system
»Machine-readable passports available in provinces by October
»Federation of Leyte Women commends DAR
»DOLE gives over P1.7-M livelihood aid for Cagayan Valley
»DOLE extends P.5M to Nueva Vizcaya food processors
»Environment code for Aklan out soon
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines