Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 22 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/09/10

Ilocano News: Agrikultura ken Turismo, prioridad ni Gov. Savellano

VIGAN City (10 September) -- Inwaragawag ni Gobernador Deogracias Victor "DV" Savellano nga ipangrunana ti agrikultura ken turismo pakairamanan ti al-alisto a pannakaidanon dagiti social services kadagiti umili.

"Nasken a maidanon dagiti serbisio ken programa kadagiti barbarangay isu nga agkaykaysatayo a mangpadur-as ti Ilocos Sur," kinuna ni Gob. DV bayat iti naangay a press conference itay lawasna.

Kinuna ti gobernador a dumanon ti DVBS program iti mismo a barbarangay tapno maammuan dagiti kasapulan dagiti umili kangrunaanna dagiti mannalon. "Mabalinto pay nga ag-text laeng iti selponda dagiti umili a maiturong kaniak tapno ipakaammoda dagiti kiddaw ken dagiti nasken a maaksionan ti gobierno," kinuna ni Gob. Savellano

Ti DVBS program, a naala iti initial ti nagan ti gobernador, seknanna dagiti programa ti agrikultura, salun-at, turismo, edukasion ken social services a makatulong para iti pannakapasayaat ti panagbiag dagiti umili nangruna dagiti agnaed kadagiti nakukurapay ken nasusulinek a luglugar.

Kas paset iti programana a seknan ti turismo, kinuna ti gobernador a mapadur-as ti domestic tourism tapno maiparangarang dagiti kultura ken kannawidan dagiti Ilokano a maipagpanakkel iti nadumaduma a puli.

"Makatulong pay a mangi-promote kadagiti produkto ken industria iti probinsia a pakairamanan ti abel ken burnay," kinuna ni Gob. Savellano.

Kinunana a no umadu dagiti um-umay a foreign ken local tourists iti probinsia makatulong a mangparang-ay ti ekonomia ken maital-o dagiti historical ken heritage sites iti probinsia kas iti mabigbigbig iti sangalubongan a Vigan heritage.

Iti benneg pay laeng ti agrikultura, kinuna ni Gob. DV a suportaranna pay ti Multiline Food Processing Plant a makatulong kadagiti mannalon, pakairamanan dagiti agpatpatanor iti dingnguen. Ti nasao a planta iti Santa a maibilang a "brainchild" ni dati a gobernador Luis "Chavit" Singson ti maysa a prioridad ni Presidente Arroyo para iti pannakapadur-as dagiti Super Region.

Binisita itay nabiit ni Presidente Arroyo ti nasao a planta a nangdayawanna ti naballigi a pannakapataray ti operasion daytoy a proyekto a makatulong a mangparang-ay ti ekonomia ken mangpataud iti ad-adu a panggedan.

Ti National Tobacco Administration nga idadauluan ni Administrador Carlitos Encarnacion ti mangpatpataray ti nasao a planta nga addaan payen iti marketing outletna iti ground floor iti NTA Bldg iti Quezon City. Aglako daytoy a planta iti langgonisa, bagnet, chicharon, banana chips, tucino, manok ken baboy.

"No ania dagiti narugian idi ni Gobertnador Chavit ken dagiti narugiantayo a programa ken serbisio itultuloytayo para iti pannakapasayaat ti panagbiag dagiti kakailiantayo," kinuna ni Gobernador Savellano. (PIA Ilocos Sur) [top]

|«  prev  next  »|
DAILY NEWS LIST:
»OCD conducts trainings on flood early warning system in South Leyte
»Leyte officials hopeful of meeting LAMP 2 project targets
»East Visayas booth shines at 18th Philippine Travel Mart
»Commentary: Energy task force ensures security of power facilities in RP
»South Leyte gov appeals for support to flood early warning system
»Machine-readable passports available in provinces by October
»Federation of Leyte Women commends DAR
»DOLE gives over P1.7-M livelihood aid for Cagayan Valley
»DOLE extends P.5M to Nueva Vizcaya food processors
»Environment code for Aklan out soon
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines