Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 20 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/09/21

Ilocano News: Propaganda ti impangruna dagiti abogado ni Estrada, kuna ti dekano ti UE

Ni Ben Pacris

Quezon City (21 September) -- Binabalaw ni Dean Amado Valdez iti University of the East dagiti abogado a nangdepensa ken ni dati a Presidente Joseph Estrada maipapan iti kaso a plunder nga impangrunada ti propaganda ken nagapela iti publiko imbes koma a nangidatagda iti ad-adu a depensa iti Korte.

Naduktalan ti korte a guilty wenno nagbasol ni Erap iti kaso a plunder a nasentensiaan a mabalud iti 40 a tawen agsipud ta saanda nga inturong ti depensada iti sidong ti korte no di inturongda iti publiko a kas propaganda, kinuna ni Dekano Valdez.

Ti ammoda ngata sumurot met ti korte no mamati dagiti tattao iti iparparangarangda a dagitoy a napasamak paset iti kontrobersia iti politika a ni Estrada ti bannuar a kayatda laeng a tinnagen, kinuna ni Atty. Valdez.

Ngem iti kamaudiananna nagbalandra wenno nag-backfire met laeng kadakuada daytoy nga istratehia dagiti defense lawyer ti napadisi a Presidente, kinuna ti Dean ti U.E.

Kinuna met ti maysa pay a mabigbig iti laingna maipapan iti linteg a ni Atty. Te a no kalikagum ni Estrada iti agbalin a bannuar ti masa, saan nga agapela iti Korte Suprema ken agpaibalud nga ikaruna ti 40 a tawen a sentensiana.

Ngem biagna dayta, awan ti makaibaga kenkuana no aniat aramidenna ta dagiti tattao nga adda iti sibayna parparigatenda laeng ti situasion, innayon ni Abogado Te.

No dagitoy a tattao nga adda iti aglawlaw iti dati a Presidente a no napateg pay laeng kadakuada isuna, mabalinda latta nga aramaten ti naganna, kinunana pay.

Kinuna met ni Atty. Mario Ongkiko, maysa pay a mabigbig nga abogado, a no apay a saan nga impalubos dagiti abogado ni Erap a maibasa ti sibubukel a "guilty verdict" ti dati a Presidente saanda ngamin kayat a mammuan dagiti tattao dagiti rason ti Korte a naiyatnag dayta a pangeddeng.

Kabayatanna, ad-adalen dagiti abogado ni Erap a mabalin a mangyetnagda iti motion for reconsideration iti Sandigan Bayan wenno amnesty mainaig iti "guilty verdict" ti dati a presidente. (PIA Ilocos Sur) [top]

|«  prev  next  »|
DAILY NEWS LIST:
»BIR offers amnesty for unpaid revenue taxes
»Join "Premyo sa Resibo" raffle and win P1-Million weekly prizes
»PPA reduces wharfage dues in ports despite high revenue losses
»Army downplays role in Comval political reconciliation
»Filipinos are IT experts, says Japan official
»Saudi gov't to assist ARMM on halal certification
»Gov't urged to address Mindanao agri-market concerns
»"MIGS-Aral Tayo" program to boost performance of Grade 1 pupils
»GSP holds 26th junior, senior cadet encampment
»Dumaguete Muaythai fighters bring home medals from RP Olympic festival
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines