Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 18 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/09/21

Cebuano News: Ang laing bahin sa istorya sa ZTE

By Rodrigo S. Victoria

Manila (21 September) -- Si Philippine Chamber of Commerce and Industry chairman emeritus nga si Miguel Varela miuban ni Cardinal Gaudencio Rosales sa panawagan alang sa patas nga imbestigasyon ngadto sa ZTE deal, nagkanayon "ang tanang bahin kinahanglan nga pamatian."

Si Varela mihimo sa pamahayag agi ug paghatag ug reaksyon ngadto sa media ug pagbuhos sa unos sa politika nga miigo sa ZTE deal ug mga personalidad sa publiko nga gialegar nga nahidawit niini.

Si Davao City Rep. Prospero Nograles sa iyang bahin nagpahimangno sa publiko sa dili pagkonsiderar apan sa paghulat alang sa desisyon Korte Suprema mahitungod sa maong butang.

Si Nograles nagkanayon, "Sige lang, kay kini moabot sa Korte Suprema. Mas maayo maghulat na lang ta sa sangputanan niini."

Samtang sa laing bahin, bisan ang mga hearings sa Senado mahitungod sa isyu ang migawas ngadto sa mas gitan-aw nga reality show sa telebisyon sa Pilipinas, daghan ang anaa sa kangitngit kung unsa ang ZTE ang korporasyon sa kinatibuk-an.

Ang ZTE Corporation sa China mao ang pinakadako nga provider sa telecommunications equipment nga nag-specialize sa customized network solutions alang sa telecom carriers sa tibuok kalibutan. Ang serbisyo nga unta ikapahamtang alang sa Pilipinas mao ang pag custom-design ug pagmugna sa National Broadband Netwrok, sistema nga mauy magkabit sa tanang mga syudad, munisipyo ug barangays sa tibuok nasud sa usa lang ka network nga mauy maghatag ug diha-diha dayon nga komunikasyon sa mga opisina sa gobyerno sa Manila.

Ang eksperyensya ug ang nahimutangan sa ZTE isip higante sa telekomunikasyon resulta sa susama nga mga pagpakigtambayayong sa sobrang 500 ka mga telecom operators sa sobrang 120 ka mga nasud palibot sa kalibutan.

Niadto lang milabay nga Septyembre 13, ang ZTE Corporation nakakuha ug laing deal sa langyaw nga telecom provider nga mao ang AR Telecom, ang nag-unang network telecom provider sa Portugal, mianunsyo nga kini mitudlo sa ZTE sa pagtukod sa buko-buko sa transmission network sa Portugal.

Sa miaging bulan, ang ZTE milagda ug kasabutan sa Telkom Indonesia, ang pinakadako nga InfoCom nga kompaniya ug full-service network provider sa Indonesia.

Kauban pa sa lain nga mga deals nga gilagdaan sa ZTE mao ang transmission network sa India nga BSNL, national transmission network sa Tunisia nga Tunisie Telecom ug ang cellular lines network sa Nepal nga Nepal Telecom.

Ang ZTE Chairman nga si Hou Weigui mikredito sa kinaugalingong pag-ugmad sa mga teknolohiya sa ilang nakita nga kalampusan ug nagkanayon nga ang eksperyensya sa ZTE "magamit alang kapanaminan sa daghang mga kompaniya sa nagtikalambo ug milambo na nga mga nasud."

Sa background ug expertise sa ZTE, si Ramon Sales, kanhi nangulo sa Philippine Commission on Information and Communication Technology, misumat sa Senate Blue Ribbon Committee diha sa hearing nga gipahigayon niadtong Martes nga sa point of view sa negosyo, siya misuporta sa ZTE deal.

Si Sales nagkanayon nga sa pagkakaron ang gobyerno migasto ug P4 ka bilyon matag tuig nga balor sa telekomunikasyon.

Siya mibase niini sa pagkwenta ug nagkanayon nga ang offer sa ZTE makahimo sa pagtigom sa gobyerno sa Pilipinas ug P30 ka bilyon sa susamang panahon, kumparar sa P17 ka bilyon lang nga gipanghinglantawan nga matigom kung ang gobyerno modawat sa proposal sa karibal sa ZTE nga Amsterdam Holdings. (PIA-Biliran) [top]

|«  prev  next  »|
DAILY NEWS LIST:
»BIR offers amnesty for unpaid revenue taxes
»Join "Premyo sa Resibo" raffle and win P1-Million weekly prizes
»PPA reduces wharfage dues in ports despite high revenue losses
»Army downplays role in Comval political reconciliation
»Filipinos are IT experts, says Japan official
»Saudi gov't to assist ARMM on halal certification
»Gov't urged to address Mindanao agri-market concerns
»"MIGS-Aral Tayo" program to boost performance of Grade 1 pupils
»GSP holds 26th junior, senior cadet encampment
»Dumaguete Muaythai fighters bring home medals from RP Olympic festival
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines