by Flor Jackson

Manila (December 9) -- Si Presidente Gloria Macapagal Arroyo nag imbitar niadtong Huwebes sa International Maritime Organization (IMO) nga magpahigayon ug conference bahin sa Standards of Training, Certification and Watchkeeping (STCW) alang sa Seafarers Convention ug ang mga Amendments niini dinhi sa Pilipinas karong first quarter sa tuig 2010.

Kini nga conference mahinungdanon kaayo alang sa nasud Pilipinas tungod sa kataas niini sa maritime manpower interest sa tibuok kalibutan.

Ang nasud Pilipinas adunay duolan sa 275,000 sa total nga 1.2 ka bilyon nga mga seafarers sa tibuok kalibutan matud pa sa report sa International Labor Organization (ILO). Tungod niini, daghan ang motawag sa nasud Pilipinas nga usa ka "Crewing Capital of the World".

Ang Presidente mitunol sa iyang imbistasyon ngadto sa kang IMO Secretary Efthimos Metropoulos durante sa ilang meeting didto sa Presidential Suite sa Dorchester Hotel sa London niadtong Huwebes (local time).

Durante sa meeting, si Metropoulo naghatag ug kamahinungdanon sa Asia sa natad sa martime sector tungod sa ilang nag tubo nga shipbuilding ug shipbreaking indestyr investment.

Ang STCW Convention gipalig-on niadtong 1978 ug ang iyang katapusan nga major amendment nahimo niadtong 1995.

Ang STCW Convention ug ang STCW Code ang gipa-ilawon sa pag susi ubos sa IMO Subcommittee on Standards of Training and Watchkeeping (STW) nga usab magtigom karong umaabot Marso 3-7 sa sunod tuig. Ang maong pag review mag langkob ug mga major amendments ug mag hatag ug konsiderasyon sa mga regulasyones sa maritime security.

Ang STCW gi-desenyo aron aduna kini common standards ug regulations sa training ug watchkeeping alang sa mga seafarers tali sa IMO Member Governments aron pagpalambo sa maritime safety and security.

Si Presidente Arroyo ning dayeg kang Metropoulos sa iyang paningkamot sa paghatag ug sulosyon sa piracy ug armed robbery sa Straits sa Malacca ug didto usab sa lawod nga kadagatan sa Somalia ug siya nag-aghat sa IMO sa paghatag ug konsiderasyon ngadto sa uban pang mga dapit diin taas ang kakuyaw sa seguridad sa ilang kadagatan. Kini may kalabutan sa Pilipinas diin kasagaran sa mga international vessels nag karga ug nagdala ug daghang mga sakay nga Filipino crew.

Ang STCW Subcommittee nga ubos sa Martime Safety Committee, mao'y pinaka-taas nga technical body sa IMO. Ang MSC sa pagkakaron gipanguluhan sa Pilipinas komo chairman pinaagi sa Department of Foreign Affairs (DFA) First Secretary Neil Frank Ferrer nga napili niadtong buwan sa Oktubre sa Copenhagen, Denmark nga adunay upat ka tuig nga termino. Si Ferrer mao'y usa nga First Asian nga napili sa maong komitiba sukad kini mamugna niadtong tuig 1959.

Ang maong meeting gi-atendiran usab ni Foreign Affairs Secretary Alberto Romulo, Trade and Industry Secretary Peter Favila, Agriculture Secretary Arthur Yap, Ambassador to the Court of Saint Jame's Edgardo Espirito, Transporation and Communications Undersecretary Maria Elena Bautista ug DFA First Secretary Neil Frank Ferrer.