by Flor Jackson

Manila (December 10) -- Si Presidente Gloria Macapagal-Arroyo nag witness sa nakalabay nga adlaw sa pirmahay sa memorandum of agreement (MOA) tali sa Servac Philippines Inc. ug sa Pharmadule AB (PDH) bahin sa construction o paghimo sa $120-million pharmaceutical pilot factory didto sa Alabang, Muntinlupa City, Metro Manila alang sa pag mugna ug anti-rabies vaccine.

Ang MOA-signing ceremony ning sunod sa pagpamulong sa Presidente atubangan sa grupo sa nag una nga mga British businessmen didto sa Four Seasons Hotel Ballroom niadtong Huwebes sa hapon.

Ang MOA nag pahayag nga "aron makab-ot ang husto nga presyo sa supply sa nanguna nga planta, ang PDH maghimo ug Basic Design study ubos sa usa ka lain nga kontrata alang sa desenyo, supply, reassemble ug start-up sa process plant ug uban pang mga serbisyo nga may kalabutan sa presy sa supply sa planta.

Ang PDH usa ka Swedish company nga nag specialize sa design ug construction sa advanced modular production facilities alang sa pharmaceutical ug biotech industries. Kini nakahimo na sa pagdeliver ug mosubra sa 50 ka mga facilidades ngadto sa mga kleyente, lakip na ang Merck, Eli Lilly, Genetech, AstraZeneca, Baxter ug Pharmacia.

Ang Servac nakaangkon ug majority stake sa first Philippine biopharmaceutical company nga adunay outsourcing manufacturing contract uban sa Research Institute of Tropical Medicine sa Department of Health (DOH) sa Pilipinas alang sa pag mugna sa anti-rabies vaccine.

Ang quotation nagalakip sa supply ug construction sa pharmaceutical plant nga naka base sa modular fabrication ug ingon man sa supply sa teknikal nga kahanas.

Ang Servac-PDH contract nagalakip sa turnkey supply sa modular equipment alang sa pagtaod sa world-class vaccine production facility dinhi sa nasud Pilipinas.