Manila (22 December) -- Gintagan hin direktiba ni Presidente Gloria Macapagal-Arroyo an Department of Justice (DOJ) ngan Bureau of Corrections (BuCor) nga kitaon an data systems para han kababyin-an nga preso nga naedad hin sobra 70 nga aada ha sulod han New Bilibid Prisons (NBP).

Iginhatag ni PGMA an direktiba kan Secretary Raul Gonzales ngan BuCor Director Ricardo Dapat dida han hiya in magpakjaon hin ma 37 nga mga preso nga ginbuhian nah an naglabay nga semana.

Kaupod an 37 han mga nahiuna nga 64 nga mga preso nga gintagan hin pardon kasumpay han kanan administrasyon palisiya paghatag perdona ha mga preso.

Duro naman an naging pasalamat ni Iluminado Pica, 75 anyos nga taga Tolosa, Leyte.

Dugang pa han anay preso, natagn daw hiya higayon nga makaupod an iya pamilya yana nga tiarabot nga Pasko.

Kaupod ni Pica hira Clestino Gardon, 87 han Irosin Sorsogon ngan Vicente Lariosa, 71 han Silay Negros Occidental.

Nakipag usa hi PGMA han mga anay preso kataliwan hiya in mag administer han paghurar ni Supreme Court Justice Teresita de Castro ngan han Presiding Officer han Court of Appeals nga hi Conrado Vasquez, Jr.

Iya gihapon gin pahurara in mga pulis nga heneral ug an military, iba pa nga opisyales han gobyerno ngan mga opisyales gihapon han Catholic education Association of the Philippines (CEAP).

Ha agap pa igin ka upod ni Press Secretary Ignacio Bunye an 64 nga ginperdonahan nga mga preso pagawas han NBP.

May-ada na porlomenos 258 nga preso in gintagan hin Presidential clemency samtang an sirot hin may 173 in ginpahamubo.

An kapalaran naman hin may 10 pa nga preso in gin aadaman ug tatagan desisyon bag-o mag pasko.