Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 23 May 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2019 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/02/13

Cebuano News: Mga negosyante gusto sa federalismo sa hinalaling panahon

By Rodrigo S. Victoria

Manila (13 February) -- Ang chairperson sa Mindanao Business Council nga si Vicente Lao nagpahayag sa mga sentimento sa sektor sa negosyo sa pagduso alang sa federalismo sa hinalaling panahon.

"Ang sektor sa negosyo ang kanunay nga nagpasiugda alang sa pag-usab ngadto sa federal nga panggobyernohan kay among nalantawan kung unsa kadako ang disbentaha ngadto sa katawhan sa Mindanao kompara sa pagkakaron nga porma sa gobyerno," matud pa ni Lao.

Sa usa ka press conference nga gibuhat kagahapon nga gitambungan sa mga nagkalain-laing tigpasiugda sa federalismo, mga lider gikan sa grupo sa negosyo kinsa misuporta sa lihok pagbalik sa kampanya alang sa federalismo.

Ang mga lider sa negosyo naka-obserbar nga ang Mindanao nag-antos na ug maayo ug sa kadugay sa klase sa porma sa gobyerno nga gisagop sa Pilipinas.

"Klaro, nga kami nakalantaw kung giunsa ang kwarta nga nalikom gikan sa Mindanao nahidangat ngadto sa laing mga parte sa nasud ug gamay lang niana nga nalikom ang nahibalik sa Mindanao. Kami nag-antos ug maayo sa kakulang sa inprastraktura ug katilingbanong mga serbisyo ug uban pang mga proyekto nga angayan nga ibubo ug balik sa Mindanao," matud pa niya.

Si Lao naka-obserbar nga ang centralized nga panggobyernuhan nagsunod sa sistema sa patronage sa pagpagawas ug mga pondo diin kini mauy naghimo sa mga syudad ug mga probinsya sa Mindanao nga maulahi sa pagkakuha ug mga proyekto ug mga programa sa kauluhan.

Ang Council chairperson sa BIMP-EAGA Business Council nga si Antonio Santos usab mitudlo nga lain nga bentaha sa pagsagop sa gobyerno federal mao ang pagpaundang sa maut nga pagbalik-balik sa pagbatok sa gobyerno nga nakapahadlok sa sektor sa negosyo.

"Ang pagbatok sa gobyerno dili maundang kung sa katapusan dili nato pulihan ang atong gobyerno ngadto sa usa ka federal nga porma," matud pa ni Santos.

Siya mitataw nga ang mga problema sa kalinaw ug kahapsay ang lisod masabot ug masulbad sa mga katawhan sa central Manila kay kini mas anaa sa lokal mao nga kini matubag lamang pinaagi sa lokal.

"Ang paghimo sa solusyon diha sa lokal sa problema sa pagbatok sa gobyerno mahimo pinaagi sa pag-awhag sa mga lokal nga mga pangagamahanan sa pag-apil sa proseso sa pagsulbad sa kasamok, ang mas labing maayo ug paraktikal," matud pa niya.

Si Santos wala maglantaw sa hinanali nga pagbalhin gikan sa kung unsa ang anaa karon ngadto sa usa ka federal nga porma sa gobyerno, apan siya malaumon nga kini sa katapus-tapusan maduso ilabi na sa suporta ni Presidente Gloria Macapagal Arroyo ug sa bag-ong Speaker kinsa usa ka Mindanawan nga si Congressman Prospero Nograles.

Si Santos, sa laing bahin, mipanghimakak sa mga komentaryo nga ang kalihukan sa federalismo ang namatay na ug karon lang kini nahibalik.

Apan siya nagkanayon nga ang isyu sa federalismo dili mamatay ug wala mamatay. Ang paghuwat sa katawhan nga makatagamtam sa mga benepisyo sa federalismo nga gobyerno ang nakahimo sa pagbuhi niini ning mga tuiga. (PIA-Biliran) [top]

|«  prev  next  »|
DAILY NEWS LIST:
»DepEd calls on scholarship-giving organizations to recognize NCAE results
»West Visayas listed in top 5 BESRA grant recipients
»Davao PESO-CTEC focuses on job opportunities
»Senior Citizen Merrimakers chapter assists less fortunate
»Sec Ebdane mobilizes Mindanao engineering offices
»CMDF-Mindanao to hold construction safety training
»German foundation to fix Panabo school building
»Kauswagan residents get goats
»DavNor gov denies militarization in Talaingod
»Davao Oriental pursues progress through peace and security
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines