Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 17 February 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << February 2019 >> 
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/02/21

Cebuano News: Hungihong sa Cabinet revamp gipang-himakak

Manila (21 February) -- Ang Malacanang mipasalig sa publiko kagahapon nga ang opisyal nga pamilya ni Presidente Gloria Macapagal Arroyo pabilin nga nagka-hiusa, lig-on, ug hingpit, ug dili tinuod ang mga nang-lugwa nga mga tahu sa gi-ingong taliabot nga lahugay sa gabinete.

Si Executive Secretary Eduardo Ermita mihimo niining pasalig samtang gilimod niya ang mga tahu nga matud pa si kanhi Senador Ralph Recto gi-andam-andam na aron maoy ipuli kang Finance Secretary Margarito Teves.

"Ang balita dili tinuod. Ang gabinete tibuok. Walay pag-uy-og sa gabinete ug si Secretary Teves magpabilin nga kalihim sa Department of Finance," si Ermita miingon atubangan sa mga tigbalita sa iyang senemanang press conference kagahapon sa hapon didto sa New Executive Building complex sa Malacanang.

"Walay tanyag alang kang Recto," matud ni Ermita sa iyang text message sa media kagabii human dayon pag-kuyanap sa mga tsismis nga ang kanhi Senador gitanyagan sa puwesto sa Finance Secretary.

Si Ermita kusganong nagtoo nga dunay pipila ka mga pundok nga gustong matandog ang economic team aron masulayan nila pag-pakurog usab ang administrasyong Arroyo ug sa ingon pugson ang Presidente pagkanaog sa puwesto.

Ang mga tigsaway sa administrasyon gusto nga mahuyang ang economic team aron kon duna nay usa nga matangtang kanila, masayon na lamang pag-kombinse sa uban sa pagkuyog ug moduyog sa panawagan nga mo-resign ang Presidente, sumala pa ni Ermita.

"Nagtoo sila nga sila molampos ug kadto maoy sinyales na. Mao nga sugdan nila sa mga sakop sa economic team, ang pundok nga nagpaluyo sa masilakon nga pag-uswag sa ekonomiya pinaagi sa pagtimon sa Presidente, kinsa usa ka maayo nga economist," ni Ermita pa.

Gidugang pa niya nga bisan pa sa mga pagsulay sa pag-bungkag sa gobyerno, ang liderato sa Pangulo nagpabilin nga lig-on ug ang ekonomiya wala matandog sa mga kaguliyang sa politika.

Gitataw ni Ermita nga gumikan sa malamposong pagpatuman sa mga lakang sa panalapi ubos sa administrasyon sa Pangulo, nakab-ot ang 7.3% economic growth rate sa tuig 2007, ug kini maoy kinadak-an sa 31 ka tuig.

"Ang mga numero dili mamakak. Mapasigarbohon kami sa mga kasayuran kalabot sa mga gipang-remit sa mga overseas Filipino workers, sa ubos nga interest rate, ubos nga inflation rate, ug busa mahinungdanon nga mapabilin nato ang mga economic ug fiscal policies ug ang pag-sustenir niini," nagkanayon si Ermita. (PIA-Southern Leyte) [top]

|«  prev  next  »|
DAILY NEWS LIST:
»All set for Iloilo February 21 launching of "ToDOH Laban Sa Dengue"
»Housing, social services still top priority
»Tax abatement deadline set February 29
»Population survey results out by March
»Novel transient home hopes to share experiences
»Limited efforts in pushing for open skies noted
»Nightlife, shopping pushed as Davao City come-on
»House of Hope shelters cancer patients
»4th Mindanao Cooperative Summit shines in "City of Golden Frisndship"
»DOLE urges youth to be agents of change
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines