Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 13 December 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << December 2019 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/08/04

Waray-Waray News: PGMA gin-aghat an mga lider ha Rehiyon II nga ipapiliw an politika; sulbaron an mga problema ha mamurayawon nga paagi

Manila (4 August) -- Nanawagan hi Pangulo Gloria Macapagal-Arroyo han mga lider ha Cagayan Valley nga ipapiliw an politika ngan magkaurusa lugod ha pagsulbar han mga problema han rehiyon ha mamurayawon ngan sibilisado nga paagi.

Ha iya pamulong atubangan han Local Peace and Security Assembly (LPSA) han Rehiyon II didto han Roma Hotel ha Tuguegarao City han naglabay nga simana, naobserbaran han Pangulo nga nagin mauru-upay an sitwasyon ha paz y orden dida han rehiyon, kondi an porsyento han krimen dida hin pipira nga mga bungto en hinitaas tungod hin nagpapadayon nga ugopay ha politika.

Samtang ginlamano han Pangulo an regional police office tungod han pag-uruupay han sitwasyon bahin han kriminalidad, ikinasubo naman niya nga padayon nga nagigin problema han rehiyon an krimen nga may paghisumpay hiton politika.

Salit ipinanawagan niya ha mga natutungdan nga lokal nga mga lider nga ipapiliw an politika, hirayo pa an lokal nga pinili-ay, siring niya.

"Paghiruhimangrawan naton an mga ugat han mga problema ha mamurayawon ngan sibilisado nga paagi. Amo ini an igo nga paagi nga pag-iro-estorya han aton mga problema," siring han Pangulo.

Dida han iya pamulong, ginpasalamatan han Pangulo an LPSA para han ira mga resolusyon nga nananawagan para hin kamurayawan ha rehiyon. Nasasakop han Rehiyon II an Batanes, Cagayan, Isabela, Nueva Vizcaya ngan Quirino.

Sigun han Pangulo, may-ada bag-o nga mga ayat yana nga panahon. Kondi diri daw naton hingalimtan an aton orihinal nga panlantaw hin pagkab-ot hin kamurayawan para han bug-os nga nasud.

Gintagan duon han Pangulo nga amo an rason kon kay ano nga nagpapadayon an pagdumara hin regional peace and security assemblies para mahimo an ngatanan nga maaakos agud matagan kabatunan an ngatanan nga mga isyu nga nagpapabug-at han mga panlimbasog para makab-ot en permanente nga kahimyangan ngan seguridad.

Ginlamano gihapon han Pangulo an Northern Luzon Command (Nolcom) han Armed Forces of the Philippines (AFP) tungod han pag-inos han kadamuon hin armado nga mga rebelde dida han rehiyon.

Ikinalipay han Pangulo nga an kadamuon hin New People's Army (NPA) nga mga rebelde en diri na maabot hin 500 dida han Cagayan Valley Region.

Naglalaom an Pangulo nga ha katapustaposan makukombinser an mga rebelde nga mga NPA nga karawaton ngan dumuyog han paagi han kabalhinan ngan kamurayawan. (PIA-Eastern Samar) [top]

|«  prev  next  »|
DAILY NEWS LIST:
»Nagpahayag an Palasyo nga an mga alegasyon ni Pelaez mao in sayu nga plano paagpakaraot san Waray-Waray News: administrasyon ni Arroyo
»Search is on for 10 top patriotic Filipino doctors
»Palace remains hopeful ARMM elections could still be postponed
»PGMA urges Region 2 leaders to set aside politics; solve problems thru peaceful ways
»Malacaņang endorses 27 new appointees to bicameral CA
»National policy on reproductive health needed, say population workers
»Ilocano News: Namnamaen iti gobierno ti pannakaitantan iti eleksion diay Mindanao
»Breastfeeding ups children's chances of survical, say experts
»Cebuano News: Palasyo malaomon madus-og ang eleksyon sa ARMM
»Cebuano News: PGMA miawhag sa mga opisyales sa Region 2 pagsolbad sa mga problema sa malinawon nga paagi
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines