Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 20 May 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2019 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/08/07

Ilocano News: Roundup: Mangnamnama ti Malakanyang a maitantan ti ARMM elections

Ni Nova C. De Rosas

Manila (7 August) -- Adda pay pito (70 nga aldaw kasanguanan ti Aug. 11 elections ti Autonomous Region in Muslim Mindanao (ARMM) ngem mangnamnama pay laeng ti Malakanyang a maitantan daytoy.

Inbatad ni Press Secretary Jesus Dureza a mangnamnama iti gobyerno iti pannakaitantan ti nasao nga election. Inbagana pay a ti agnanayon a kapia wenno lasting peace sadiay Mindanao ti gagem ni Presidente Gloria Macapagal Arroyo nga ibati kasanguanan nga agngudo ti termino na inton 2010.

Dagiti kritiko ti Presidente iti mangibagbaga nga iti pannakaitantan ti election ti ARMM ket pangta ken pammut-buteng kadagiti Moro Islamic Liberation Front (MILF), ngem inlawlawag ni Dureza a ti rason ti Presidente a panangitantan ti election ket tapno maipasigurado iti nalawlawa a consultasyon ti maangay nga plebisito ba-se ti memorandum of agreement (MOA) a pirmaaan ti nagbaetan gobyerno ken MILF inton Agosto singko

Inlawlawag ni Dureza a ti MOA ket saan laeng a peace agreement ngem ketdi itudingna iti plebisito iti uneg ti 12 a bulan kalpasan ti pannakapirmana inton August 5.

Ti elections ket naituding tapno madeterminar no kayat dagiti umili iti nasao a Local Government Unit (LGU) no kayat dagiti umili iti nasao a Local Government Unit (LGUs) kas paset ti expanded ARMM wenno Bangsa Moro judicial area.


PGMA kiniddaw na kadagiti lideres ti region ii iti pinangilaksid da ti politika

Kiniddaw ni PGMA kadagiti lideres ti Cagayan Valley iti pinangilaksid da koma iti pulitika ket agkaykaysa a mangsolbar kadagiti problema iti nasao a region babaen iti nainkapia-an ken nainka-lintegan a wagas.

Daytoy ti inbatad ti Presidente kabayatan iti inna pinagsarita iti sanguanan ti Local Peace and Security Assembly (LSPA) ti Region II sadiay Tuguegarao apaman a naamuan na a sumaysayaat ti peace and order iti nasao a rehiyon ngem ngumat-ngato met ti bilang ti krimen gapu iti agtultuloy a partisan politics.

Kuna ti Presidente a masapul iti panangilaksid da pay laeng iti pulitika gapu ta adayo met pay laeng iti local elections.

Nagyamanan met ti Presidente ti LPSA gapu iti resolutions a mangaw-awag ti peace and order ti Region II a bukbuklen ti Batanes, Cagayan, Isabela, Nueva Vizcaya ken Quirino.


Malakanyang iyindorsarna dagiti 27 nga appointees sadiay bicameral CA

Inyindorsar ti Malakanyang para iti kumpirmayson ti bicameral Commission on Appointments dagiti baro a batch dagiti 27 a key officials.

Daytoy ti inbatad ni Cebu Representative Eduardo Gullas, pangulo ti House contingent to the Commission on Appointment. Kunana a kaaw-awatda ti appointment papers da Press Sec. Jesus Dureza ken elections commissioners Leonardo Leonida ken Lucenito Tagle.

Kunana pay a ti CA ket naawatda ti re-appointment papers da Environment Secretary Jose Atiensa Jr.; Energy Sec. Angelo Reyes ken elections commissioner Moslemen Macarambon

Ti CA ket naawatda payen ti appointment wenno nomination papers dagiti 15 a kabbaro a ambassadors, chiefs of mission, career ministers ken foreign service officers nga idauluan ni former Senator Orlando Mercado kas baro nga ambassador-designate to China nga addaan iti concurrent jurisdiction over North Korea ken Mongolia.

Malaksid iti daytoy inbatad pay ti Gullas iti kaadda kadakuada ti papeles dagiti innem (6) a kabbaro a senior military officers kas Major-Generals Rolando Capacia, Nathaniel Legaspi ken Hernani Perez ken Rear Admirals Danilo Cortez, Ramon Punzalan ken Josefino Solidum.

Iti met beddeng ti Department of National Defense, inbatad ti Gullas a kinonpirmaran ti Commission on Appointments ti maysa (1) a general, innem (6) a lieutenant generals, 14 a major generals, dua (2) a rear admirals, 35 a brigadier generals, 10 a commodores, 160 colones ken 28 a naval captains wenno iti kadagupan a 256 senior officers.


Personal nga inawat ni PGMA dagiti delegado ti FIFA

Personal nga pinasangbay ni Presidente Gloria Macapagal Arroyo sadiay Malakanyang dagiti delegado ti Federation International De Football Association (FIFA) nga indauluan ti president da a ni Joseph Blatter

Nagyaman ni PGMA kadagiti nasao a delegado iti ibibisita da ditoy pagilyan.

Kinadua ni Blatter da Undersecretary Cynthia Carrion-Norton; Rep Monico Puentevella; Asian Football Confederation (AFC) President Mohamad Bin Hamman, Philippine Sports Commission Chairman William Ramirez, Philippine Football Federation president Jose Mari Martinez ken iti Chairman na Juan Miguel Rodriguez ken PFF sec-general Pablito Araneta.

Ti FIFA ket nabuangay pay iti May 21, 1904 sadiay Paris babaen kadagiti delegado manipud ti France, Belgium, Denmark, Spain, Netherlands, Sweden ken Switzerland. Ti headquarters da ket masarakan sadiay Zurich, Switzerland.

Ti FIFA ket responsible para iti organization ken governance ti football's major international tournament. Ti FIFA ket adaan 208 member associations.


Kaunaan a ibibisita ni Swiss President ditoy pagilyan naka-schedule inton Aug. 11-12

Manamnama iti kaunaan nga ibibisita ni Swiss President His Excellency Pascal Couchepin ditoy pagilyan inton August 11-12 para iti pannakapa-baro ken pannaka-pasingked ti relasyon a panagpagayam ken kooperasyon iti nagbaetan ti Switzerland ken Pilipinas. Manamnama a kaduana ti asawana, Madame Brigitte Couchepin

Sadiay Manila kataripnong ni Pres. Couchepin da PGMA ken sabsabali pay a political ken economic policy makers kas paset ti dua aldaw nga ibibisita na ditoy pagilyan.

Ti Swiss Presidient, a mangidadaulo iti Swiss Federal Department of Home Affairs iti bumisita pay iti Asian Development Bank (ADB) ken ti International Rice Research Institute (IRRI) a supsuportaran ti Switzerland.


70% kadagiti respondents iti kuntento ken ni PGMA seknan ti infra projects segun ti SWS

Ti survey ti Social Weather Station (SWS) idi July 17-23, 2008 naipakita a pito-pulo porsyento kadagiti respondents iti kuntento ti infrastructure projects ti administrasyon ni Presidente Gloria Macapagal Arroyo no sadinno a nakaalaan na iti kangatuan a rating.

Iti survey nailanad a 49% ti inted dagiti respondents iti pannaka-repair dagiti kalsada idinto a 52% met iti pannaka-ipan dagiti traffic signs kadagiti kalkalsada

Dagiti pay sabsabali a proyekto ti Arroyo Administration a nakaalaanna ti satisfaction rating ket pakairamanan ti environmental protection and natural resources a +28%; foreign relations +27%; pannakaibaba ti water bills ken cell phone rates +21%, panangtulong kadagiti nakukurapay +19 ; housing programs for the poor 10% ken pannakaibaba ti electricity rates 15%

Iti met biang ti pannaka-singir ti buis tapno malapdan iti panag-bulod ti kwarta manipud iti sabali a nasyon para kadagiti major programs kas iti pannakaited ti quality education nakaala ti ti 7% a net satisfaction idinto a ti controversial VAT, 75% dagiti respondent iti mangayat nga ikkatan ti gobyerno ti VAT iti electicity ken petroleum products.

Inbatad met SWS a dagiti respondents ket sinungbatan da dagiti saludsod basar ti impact ti government programs ken projects para kadagiti umili.


Lagdameo nagsapata kas baro nga ambassador sadiay Spain

Pinagsapata ni Presidente Gloria Macapagal Arroyo idi kalman ni Antonio Lagdameo kas kabbaro a Philippine Ambassador extraordinary ken plenipotentiary to Spain

Ni Lagdameo ket nagserserbi a Philippine Ambassador Extraordinary and Plenipotentiary sadiay Mexico kasanguanan iti baro a posisyon na, ken sinukatan na ni Ambassador Extraordinary ken Plenipotentiary Joseph Bernardo.

Inbatad met ni Lagdameo nga inna itultuloy iti agtrabaho para iti idudur-as dagiti amin a proyekto ti Pilipinas babaen ti pannulong ti Spain.


PCL inpeksada iti pannuportada ken ni PGMA

Pinagsapata ni Presidente Gloria Macapagal Arroyo dagiti miyembros ken opisyales ti Philippine Councilors League (PCL) Sadiay Malakanyang, Rizal Hall idi laeng kalman

Dagiti nagsapata ket pakairamanan ti miyembro ti National Executive Officers idauluan ni Victor Ferrer, PCL National President-Ronald Carcellar; National Vice-President- Michael Fernandez; PCL Chairman-Alan Zulueta; PCL Vice Chairman ken PCL National Secretary General Alma Moreno

Dagiti pay pinagsapata ni PGMA ket karaman pay dagiti PCL members manipud iti regional chairmen's level to the provincial federations presidents level ken city chapter presidents.

Iti interview ken ni Ferrer, inbatad na a dagiti miyembros ti PCL ket solido da a sumuporta iti programa ti Arroyo Administration kangrunaan na para iti national ken social development.


MOA para iti benepisyo dagiti pamilya ti pumusay a publc servant pagpinnirmaan ti CSC ken SUCs

Nangputar ti katulagan ti Civil Service Commission (CSC) ken ti Philippine Association of the State Universities ken Colleges (PASUC) para iti pannakaited ti scholarships kadagiti asawa wenno annak dagiti pumusay kabayatan iti kaadda da iti serbisyo a civil service personnel pakairamanan dagiti mangisursuro, ken polisya

Pinirmaan da CSC Chair Ricardo Saludo ken PASUC President Dr. Lauro Tacbas ti nasao a MOA para iti Pamanang Lingkod-Bayan Iskolarship program idi August 1, 2008 sadiay CSC Head Office. (PIA Ilocos Norte) [top]

|«  prev  next  »|
DAILY NEWS LIST:
»"Pamanang Lingkod Bayan" to make civil servants' dreams come true – CSC
»CSC-Aklan reschedules exam due to "Frank"
»Davao buses now breastfeeding-friendly
»New big investments to cost more than P15-B
»SMB Davao launches community clinic-specialized medical services
»PGMA leaves for China today for a 3-day visit with 11-man official party
»Zambo-based commercial fishing group welcomes possible gov't assistance
»World champion Las Piñas Boys Choir pays courtesy call on PGMA
»UN, Spain, RP sign USD 8M climate change program
»Palace refutes MILF claim of "done deal"
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines